Hazrat Mohammad Rasool Allah SAW Insaaniyat Ke Rahnma Hain Aap SAW Ki Rahnumaiye Ke Baad Kisi Aur Ki Rahnumaiye Ki Zaroorat Baqi Nahi Rehti .Sheikh-e-Silsila Naqshbandia Owaisiah Hazrat Ameer Abdul Qadeer Awan (MZA)

Hazrat Mohammad Rasool Allah SAW Insaaniyat Ke Rahnma Hain Aap SAW Ki Rahnumaiye Ke Baad Kisi Aur Ki Rahnumaiye Ki Zaroorat Baqi Nahi Rehti .

Munara, Chakwal, Pakistan
28-10-2022

اللہ کریم جس چیز سے منع فرما دیں وہ کسی صورت بھی فائدہ نہیں دے سکتی۔جس چیز کو اللہ کریم نے حرام قرار دے دیا اگر ہم اسے استعمال کریں گے تو اس سے ہمارے کردار پر برے اثرات پڑیں گے اور معاشرے میں بھی بگاڑ پیدا ہو گا۔سود کے بارے میں آتا ہے کہ یہ اللہ اور اللہ کے رسول ﷺ کے ساتھ اعلان جنگ ہے۔اب اگر اسلامی معاشرے میں بھی اس کے جواز تلاش کیے جائیں اور اس پر بحث کی جائے کے حلال ہے یا حرام تو یہ ہماری بد نصیبی ہے ہم سود بھی کھائیں اور یہ بھی کہیں کہ ہم پر اللہ کی رحمتیں نازل ہوں ایسا نہیں ہوتا۔
 امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا جمعتہ المبارک کے موقع پر خطاب! 
انہوں نے کہا کہ وطن عزیز میں آگ سے آگ بجھانے کی کوشش کی جا رہی ہے۔اینکر پرسن ارشد شریف پر بات کرتے ہوئے انہوں نے کہا کہ اس کے ساتھ ظلم ہو ا اس کے اعمال کی کتاب تو بند ہو گئی لیکن آج اس کے ساتھ ہوئے ظلم پر سیاست ہورہی ہے۔ہم یہاں تک پہنچ چکے ہیں کہ زندگی اور موت پر سیاست کر رہے ہیں اللہ کریم کا ارشاد ہے کہ حد سے نہ نکلو۔انسانی زندگی میں حدود وقیود بڑے معنی رکھتی ہیں جب انسان حد سے تجاوز کرتا ہے پھر معاشرے میں بھی بگاڑ پیدا ہو تا ہے۔ صدقہ خیرات کرتے ہوئے بھی ملاوٹ کر جاتے ہیں ہماری نیت کیا ہوتی ہے ہم نیکی کو بھی نیکی نہیں رہنے دیتے۔انسانی زندگی کے تمام اصول قرآن کریم عطا فرماتا ہے۔غیر مشروط اطاعت کا نام بندگی ہے یہی انسانی معراج اور مقصد حیات ہے۔جب بندہ برائی کی دلدل میں دھنستا چلا جاتا ہے تو اس کا دیکھنا،سننا اور بولنا بے معنی ہو جاتا ہے۔اللہ کریم سے اپنی بھول چوک کی معافی مانگنی چاہیے جو ہو چکا اس کی خالص اللہ کے حضور ندامت ہو اللہ کریم معاف فرمانے والے ہیں اور معافی کو پسند فرماتے ہیں۔اللہ کریم صحیح شعور عطا فرمائیں۔
  آخر میں انہوں نے ملکی سلامتی اور بقا کی اجتماعی دعا بھی فرمائی
Hazrat Mohammad Rasool Allah SAW Insaaniyat Ke Rahnma Hain Aap SAW Ki Rahnumaiye Ke Baad Kisi Aur Ki Rahnumaiye Ki Zaroorat Baqi Nahi Rehti . by Sheikh-e-Silsila Naqshbandia Owaisiah Hazrat Ameer Abdul Qadeer Awan (MZA) - Press Releases on October 28,2022
Silsila Naqshbandia Owaisiah, Awaisia, Lataif, Zikr Qalbi, Aulia Allah, Shaikh, Tawajja, Nisbat-e-Owaisiah