Al Falah Foundation, Pakistan

 چکوال کے نواحی علاقہ نور پور سیتھی میں الفلاح فاؤنڈیشن کے تحت ایک روزہ فری میڈیکل کیمپ کا انعقاد کیا گیا۔جس کاافتتاح ایڈیشنل ڈپٹی کمشنر ریونیوچکوال خاور بشیر صاحب نے کیا۔کیمپ میں 7 ماہر ڈاکٹرزچائلڈ سپیشلسٹ،فزیوتھراپسٹ،آئی سپیشلسٹ،میڈیکل سپیشلسٹ،چائلڈ سپیشلسٹ،فیملی فزیشن اور ڈینٹل سرجن کی ٹیم نے 885 مریضوں جن میں خواتین اور بچوں کی بڑی تعداد موجود تھی کامفت معائنہ کیا اور ان میں مفت ادویات بھی تقسیم کیں۔ یہ فری میڈیکل کیمپ صبح 10 بجے سے دوپہر 1 بجے تک جاری رہا۔آنکھوں کے مریضوں کو مفت عینکیں بھی لگائی گئیں۔
 کیمپ کا آغاز دعا سے کیا گیا کیمپ کی نگرانی صاحبزادہ شدیداللہ اعوان نے کی۔ اس کے علاوہ بشیر اعوان صاحب،محمود اعوان صاحب،عبدالستار اعوان صاحب اور عبدالرقیب اعوان صاحب بھی شامل تھے۔
  یاد رہے کہ الفلاح فاؤنڈیشن پاکستان سلسلہ نقشبندیہ اویسیہ کی ذیلی تنظیم ہے جو عرصہ دراز سے حضرت امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کی زیر نگرانی ملک کے طول و عرض میں اپنی خدمات سر انجام دے رہی ہے۔

لاہور الفلاح فاؤنڈیشن پاکستان کے امدادی کیمپ آٖفس سے سیلاب زدگان کے لیے جمع کیے گئے سامان جس میں کپڑے ، بستر ، راشن اور ضرویات زندگی کی اشیاء شامل ہیں سے بھرا ٹرک ڈیرہ غازی خان کی طرف روانہ ۔۔الحمد للہ

ضلع خیر پور (سندھ) کی تحصیل رانی پور کے علاقہ میں الفلاح فاؤنڈیشن پاکستان کی طرف سے فری میڈیکل کیمپ کا انعقاد کیا گیا جس میں متعدد مریضوں کا مفت معائنہ کیا گیا اور ان کو مفت ادویات بھی دی گئیں ۔
اس کے علاوہ سیلاب سے متاثرہ لوگوں کو نقدی کی صورت میں رقوم بھی دی گئیں ۔۔اور متعدد خاندانوں میں راشن بھی تقسیم ہوا

حیدرآباد (سندھ) سے تقریباً 10 کلومیٹر دور شہر کوٹری میں اندرون سندھ سے آئے ہوئے سیلاب سے متاثرہ 50 خاندانوں میں الفلاح فاؤنڈیشن پاکستان کی طرف سے راشن تقسیم کیا گیا ۔ اس کی پیکنگ میں ضروریات زندگی کی تمام اشیاء کا خیال رکھا گیا ۔
یاد رہے کہ الفلاح فاؤنڈیشن سلسلہ نقشبندیہ اویسیہ کی ذیلی تنطیم ہے جس کی سیلاب سے متاثرہ علاقوں میں الشخ حضرت امیر عبدالقدیر اعوان مد ظلہ العالی کے حکم پر ہنگامی بنیادوں پر امدادی کاروائیاں جاری ہیں ۔

ڈیرہ اسماعیل خان سے 50 کلومیٹر دور گاؤں (مکڑ) میں الفلاح فاؤنڈیشن پاکستان کی طرف سے 40 خاندانوں میں راشن کے پیکٹ تقسیم کیے گئے جن میں ضروریات زندگی کی اشیاء شامل ہیں ۔ الفلاح کے رضاکاروں نے پہلے اس علاقے کا وزٹ کیا ان کی ضروریات کے مطابق فہرست تیار کی گئی پھر باقاعدہ اس پر کام ہوا تا کہ مستحقین تک ان کا حق پہنچے ۔۔۔ الحمد للہ

ڈیرہ اسماعیل خان سٹی سے 35کلومیٹر دور سیلاب سے متاثرہ علاقہ پشہ پل گاؤں میں110مریضوں کو الفلاح فاونڈیشن پاکستان کے فری میڈیکل کیمپ میں مفت معائنہ اور مفت طبی سہولیات فراہم کی گئیں ۔ الحمد للہ

ڈیرہ اسماعیل خان کا علاقہ گرہ رحمان جو کہ سیلاب سے بہت متاثر ہوا الفلاح فاؤنڈیشن پاکستان کے رضاکاروں نے 40 خاندانوں میں راشن تقسیم کیا . اہل علاقہ نے الفلاح فاؤنڈیشن کی اس کاوش کو بہت سراہا اور دعائیں دیں۔ ۔۔ الحمد للہ

ڈیرہ اسماعیل خاں سے تقریبا 57 کلو میٹر کے فاصلے پر گاؤں عادل سپرا جو کہ سیلاب سے بہت زیادہ متاثر ہوا ۔ الفلاح فاؤنڈیشن پاکستان کی ٹیم نے 30 خاندانوں میں ضرورت کی مختلف اشیاء تقسیم کیں ۔۔
اس کے علاوہ ٹھٹہ بلوچاں گاؤں میں 50 خاندانوں میں ضروریات زندگی کی مختلف اشیاء جن میں آٹا، چینی ،دالیں ، گھی ،چائے پتی ، صابن وغیر شامل ہیں تقسیم کیں ۔۔۔ مزید سروے جاری ہیں اور ان کی فہرستیں تیار کی جا رہی ہیہں ۔۔الحمد للہ

ڈیرہ غازی خان سے 55 کلو میٹر کے فاصلے پر احمدانی بستی جو کہ سیلاب سے 95 فیصد متاثر ہوئی ہے الفلاح فاؤنڈیشن پاکستان ماہر ڈاکٹرز کی ٹیم نے آج اس بستی میں ایک روزہ فری میڈیکل کیمپ لگایا جس میں 210 مریضوں کا مفت معائنہ کیا گیا اور مفت ادویات بھی دیں گئیں ۔ 50 الٹرا ساؤنڈ بھی کیے گئے ۔
اس کے علاوہ متعدد خاندانوں میں ضروریات زندگی کی اشیاء تقسیم کی گئیں جن میں راشن ،بستر ،کپڑے اور جوتے بھی شامل ہیں ۔ یاد رہے کہ الفلاح فاؤنڈیشن سلسلہ نقشبندیہ اویسیہ کی ذیلی تنظیم ہے جو شیخ سلسلہ عالیہ حضرت امیر عبدالقدیر اعوان مد ظلہ العالی کی زیر نگرانی عرصہ دراز سے ملک بھر میں اپنی خدمات سرانجام دے رہی ہے ۔۔۔

ڈیرہ غازی خان کے سیلاب سے متاثرہ علاقے جن میں دری والا ، خان پور اور مونک والا بھی شامل ہیں ان میں الفلاح فاؤنڈیشن پاکستان ڈیرہ غازی خاں کی ٹیم نے متعدد مستحق متاثرہ خاندانوں میں روزمرہ زندگی کی استعمال ہونے والی اشیاء جن میں راشن ،کپڑے ،جوتے بھی شامل ہیں تقسیم کیں۔ الفلاح فاؤنڈیشن کے کارکنان نے خود متاثرین سیلاب کے گھروں میں جا کرسامان پہنچانے کا اہتمام کیا ۔ الحمد للہ !

ڈیرہ اسماعیل خاں میں سیلاب سے متاثرہ علاقہ میں الفلاح فاؤنڈیشن پاکستان کی طرف فری میڈیکل کیمپ کا انعقاد کیا گیا جس میں 1000 مریضوں کا مفت معائنہ کیا گیا اور ان میں مفت ادویات بھی فراہم کی گئیں ۔ اس کے علاوہ مستحقین میں راشن، کپڑے ،بستر ،جوتے اور ضرورت کی اشیاء بھی دی گئیں ۔۔

ضلع چکوال کے نواحی علاقہ میں الفلاح فاؤنڈیشن پاکستان کے تحت ایک روزہ فری میڈیکل کیمپ کا انعقاد کیا گیا جس میں ماہر ڈاکٹرز کی ٹیم چائلڈ سپیشلسٹ ۔ میڈیکل سپیشلسٹ اور سکن سپیشلسٹ نے 259 مریضوں کا معائنہ کیا اور ان میں مفت ادویات بھی تقسیم کیں ۔ اس کے علاوہ فری شوگر اور بلڈ پریشر ٹیسٹ کی سہولت بھی فراہم کی گئی ۔

الفلاح فاؤنڈیشن پاکستان کے تحت ضلع چکوال کے علاقہ کھوکھرزیر میں ایک روزہ فری میڈیکل کیمپ کا انعقاد کیا گیا جس میں ماہر ڈاکٹرز نے  500 مریضوں کا مفت معائنہ کیا اور ان میں مفت ادویات بھی تقسیم کی گئیں۔ سلسلہ نقشبندیہ اویسیہ کی ذیلی تنظیم الفلاح فاٶنڈیشن عرصہ دراز سے ملک بھر میں اپنی خدمات سرانجام دے رہی ہے جس کی نگرانی 
الشیخ حضرت امیر عبدالقدیر اعوان مد ظلہ العالی خود فرماتے ہیں۔
کیمپ کاافتتاح جرنل(ر)حافظ مسرورصاحب اورمیجر(ر) حافظ غلام قادری صاحب مجاز سلسلہ عالیہ راولپنڈی ڈویژن  نے کیا.  یہ فری میڈیکل کیمپ جو کہ 9am to 2pm تک رہا۔ مریضوں نے الفلاح فاؤنڈیشن پاکستان کا شکریہ ادا کیا ۔ اور کہا کہ آئندہ بھی  اس طرح کے عوامی خدمت کے لیے اقدامات ضرور ہونے چاہیے ۔

الفلاح فاؤنڈیشن پاکستان کے تحت تحصیل لاوہ ضلع چکوال میں فری میڈیکل کیمپ کا انعقاد کیا گیا۔اس میڈیکل کیمپ میں میڈیکل سپیشلسٹ،چائلڈ سپیشلسٹ،سکن سپیشلسٹ اور ڈینٹل سپیشلسٹ کے علاوہ آرتھوپیڈک ڈاکٹرز نے شرکت کی۔اس میڈیکل کیمپ کا آغاز صبح 10 بجے کیا گیا جس میں 380 مریضوں کا مفت معائنہ ہوا اس کے علاوہ مفت ادویات بھی تقسیم کی گئیں۔یہ فری میڈیکل کیمپ سابقہ ڈی سی جناب ملک شیر محمد اعوان مرحوم کے رہائش گا ہ پر لگایا گیا۔اور انہوں نے اس میڈیکل کیمپ کی میزبانی کی۔امیر عبدالقدیر اعوان شیخ سلسلہ نقشبندیہ اویسیہ وسربراہ تنظیم الاخوان نے اس میڈیکل کیمپ کا افتتاح کیا اور اپنے خیالات کا اظہار کرتے ہوئے انہوں نے کہا کہ سلسلہ نقشبندیہ اویسیہ کے ذیلی شعبوں میں الفلاح فاؤنڈیشن بھی ایک شعبہ ہے پورے ملک میں جتنے فلاحی کام ہو رہے ہیں ان میں اپنی استعداد کے مطابق حصہ ڈالا جاتا ہے اور سب سے اہم بات یہ کہ اس تمام کام کے لیے کوئی چندہ اکٹھا نہیں کیا جاتا بلکہ اپنی مددآپ کے تحت ساتھی انتظامات کرتے ہیں۔
  سابقہ چھ ماہ میں کورونا کی وجہ سے لاک ڈاؤن کے دوران مستحقین میں گھر گھر جا کر راشن تقسیم کیا گیا۔اس کیمپ میں راولپنڈی ڈویژن کے صدر تنظیم الاخوان جناب میجر غلام قادری،جنرل سیکرٹری محمد ارشد،سرگودھا ڈویژن کے صدر حاجی شکیل کے علاوہ سیکرٹری اطلاع پاکستان امجد اعوان نے بھی شرکت کی۔آخر میں امیر عبدالقدیر اعوان نے خصوصی دعا فرمائی۔ 

کراچی ( اسٹاف رپورٹر)  سلسلہ نقشبندیہ اویسیہ  سندھ کے زیر اہتمام الفلاح فاؤنڈیشن پاکستان کی جانب سے ماڈل کالونی میں ایک روزہ فری میڈیکل کیمپ کا اہتمام کیا گیا جس میں 400 سو سے زائد مریضوں کے چیک اپ کے بعد فری ادویات بھی تقسیم کی گئیں۔ فری میڈیکل کیمپ میں تمام لیبارٹری ٹیسٹ کی سہولیات بھی موجود تھی  کیمپ کا وفاقی مذہبی امور کے سیکریٹری آفتاب جہانگیر۔پی ایس پی کے چیٙرمین مصطفی کمال اور متحدہ قومی موومنٹ بحالی کمیٹی کے کنوینر ڈاکٹر فاروق ستار نے بھی دورہ کیا ۔ کیمپ میں چوہدری شبیر۔ لئیق احمد خان۔ فرخ بشیراور ارشد محمود بھی  شریک تھے ۔ یاد رہے کہ الفلاح فاؤنڈیشن پاکستان ملک کے طول و عرض میں عرصہ دراز سے حضرت امیر عبدالقدیر اعوان مد ظلہ العالی کی زیر نگرانی اپنی خدمات سر انجام دے رہی ہے 

الحمد للہ ! آج الفلاح فاؤنڈیشن کے تحت لاہور اویسیہ سوسائٹی اللہ یار خاں ہسپتال میں فری میڈیکل کیمپ کا انعقاد کیا گیا جس میں سپیشلسٹ ڈاکٹرز نے 117 مریضوں کا مفت معائنہ کیا اور ادویات بھی دیں ۔ اس کیمپ میں ای سی جی ، الٹرا ساؤنڈ اور لیب ٹیسٹ کی سہولت بھی دی گئی ۔  یاد رہے کہ آج الفلاح فاؤنڈیشن کے تحت 3 فری میڈیکل کیمپ لگائے گئے ۔ کراچی ، میانوالی اور لاہور جس میں سینکڑوں لوگ مستفید ہوئے 

سلسلہ نقشبندیہ اویسیہ  میانوالی کے زیر اہتمام الفلاح فاؤنڈیشن پاکستان کی جانب سے مظفرپور میں ایک روزہ فری میڈیکل کیمپ کا اہتمام کیا گیا جس میں  تقریبا 500 سو  مریضوں کے چیک اپ کے بعد فری ادویات بھی تقسیم کی گئیں۔چیرمین عظیم کندی نے کیمپ میں شرکت کی اور سلسلہ  نقشبندیہ اویسیہ  کی خدمات کو سراہا.یاد رہے کہ الفلاح فاؤنڈیشن پاکستان ملک کے طول و عرض میں عرصہ دراز سے حضرت امیر عبدالقدیر اعوان مد ظلہ العالی کی زیر نگرانی اپنی خدمات سر انجام دے رہی ہے

الحمد للہ ! آج تحصیل ساہیوال ضلع سرگودھا  میں الفلاح فاؤنڈیشن پاکستان کے زیر اہتمام فری میڈیکل کیمپ کا انعقاد کیا گیا جس میں سپیشلسٹ ڈاکٹرز جن میں چائلڈ سپیشلسٹ اور میڈیکل  سپیشلسٹ بھی شامل تھے 350 مریضوں کا مفت معائنہ کیا اور تمام مریضوں میں مفت ادویات بھی تقسیم کی گئیں۔ یاد رہے کہ الفلاح فاؤنڈیشن سلسلہ نقشبندیہ اویسیہ کی ذیلی تنظیم ہے جو عرصہ دراز سے ملک کے طول و عرض میں حضرت امیر عبدالقدیر اعوان مد ظلہ العالی کی زیر نگرانی اپنی خدمات سر انجام دے رہی ہے

الفلاح فاؤنڈیشن پاکستان کے زیر انتظام اللہ یار خاں ہسپتال اویسیہ سوسائٹی لاہور میں فری میڈیکل کیمپ کا انعقاد کیا گیا ۔ جس میں چائلڈسپیشلسٹ ، ای این ٹی سپیشلسٹ ،گائناکالوجسٹ ڈاکٹرز نے 350 مریضوں کا مفت معائنہ کیا اور مفت ادویات بھی تقسیم کی گئیں اس کے علاوہ فری لیب ٹیسٹ بھی کیے گئے ۔ یاد رہے کہ الفلاح فاؤنڈیشن پاکستان سلسلہ نقشبندیہ اویسیہ کی ذیلی تنظیم ہے جو کہ عرصہ دراز سے حضرت امیر عبدالقدیر اعوان مد ظلہ العالی کی زیر نگرانی ملک کے طول و عرض میں اپنی خدمات سر انجام دے رہی ہے