وطن عزیزکا اصل مسئلہ ناانصافی ہے اور اس کا حل انصاف ہے
The actual problem in our beloved country is "injustice" and the solution to this is establishing "justice".
سلامتی کا صرف ایک ہی راستہ ہے "اسلام" اس سے باہر جس طرف بھی جاؤ گے رسوا بھی ہو گے نقصان بھی اٹھاؤ گے
There is only one means of attaining salvation/success i.e. "Islam"; whereever you transgress, you will not only find yourself debased but also at a loss.
مسلسل برائی کرنے سے توبہ کی توفیق بھی سلب ہو جاتی ہے
Continuously engaging in wrongdoings can cease the ability to repent.
جب آخرت سے تعلق ٹوٹتا ہے تو بندہ دنیا کے گرد ہی گھومتا رہتا ہے
When the connection with the hereafter breaks, thereupon a person begins to revolve around the worldly life alone.
بندہ اللہ کریم سے محبت کرتا ہی اس وقت ہے جب اللہ کریم بندے سے محبت فرماتے ہیں
A person can only fall in love with Allah Kareem when Allah Kareem the Benevolent Loves that person first.
رمضان المبارک میں جسے دوزخ سے برات کی سند مل گئی تو اس کا معیار یہ ہے کہ اس میں اہل دوزخ جیسے کام کرنے سے نفرت پیدا ہو جائے گی ۔
یوں تو تمام عبادات ہی اللہ رب العز ت کے لیے ہیں لیکن ان میں سے ایک عبادت کو چن کر اس کے لیے (لی)) میرے لیے ہے ،فرمانا، درحقیقت اس عمل کی حیثیت و اہمیت کو اجاگر کرتا ہے ۔
حیات انسانی کا ہر لمحہ اطاعت الہی پر کاربند رہنے کا متقاضی ہے اور یہی مقصد حیات بھی ہے جسے پانے کے لیے اللہ کریم نے ایک لاکھ جوبیس ہزار انبیائے کرام ؑ مبعوث فرمائے ۔ ضابطہ حیات وضع کرنے کے لیے تعلیمات رسالت اور ان تعلیمات کو دل کی گہرائی سے ماننے کے لیے تطہیر قلب کی خاطر برکات رسالت کے دریا بہا دئیے جو تا قیامت جاری و ساری رہیں گے ۔
بھوک اور پیاس کی تنگی میں استعداد رکھتے ہوئے بھی خود کو کھانے پینے سے روک لینا جبکہ کوئی نگران بھی مقرر نہ ہو دراصل وھومعکم این ماکنتم پہ ایمان کی پختگی کو ظاہر کرتا ہے رب کائنات کے حاضر اور ناضر ہونے کی شان کو قلب کی گہرائیوں میں راسخ کرتا ہے ۔
رمضان المبارک کا مجاہدہ ایمان کو مضبوط کرتا ہے اللہ پاک ہمیں رمضان المبارک کی برکات نصیب فرمائے تاکہ ہماری اذانوں میں گرج ہو، سجدوں میں سوز ہو، کردار میں مضبوطی ہو ، فکرمیں حیات ہو نگاہوں میں حیا ء ہو اور زبان پر حق ہو ( امین)
