اللہ اور اللہ کے رسول ﷺ کے حکم کے سامنے سرتسلیم خم کرنا بندہ مومن پر لازم ہے۔دین اسلام اپنی پسند یا اپنی مرضی سے زندگی گزارنے کا نام نہیں ہے کہ ہم دعوی ایمان بھی رکھتے ہوں اور پھر اپنی پسند کے مطابق زندگی بسر کریں یہ درست نہیں ایمان والوں کو چاہیے وہ مرد ہو یا عورت کہ جب اللہ اور اللہ کے رسول ﷺ کا حکم ان تک پہنچے پھر اپنی پسند اور اپنی مرضی کو چھوڑ کر اللہ اور اللہ کے رسول ﷺ کے حکم کے مطابق عمل کریں۔
  انہوں نے کہا کہ دعا عبادت کا درجہ رکھتی ہے۔بندہ اپنے اللہ سے ہم کلام ہوتا ہے۔دعا کا تعلق براہ راست دل سے ہے اور دل ہی ہے جو کیفیات قلبی کا امین ہے۔دل انسانی وجود کا بادشاہ ہے جو فیصلہ یہ کرتا ہے ہم اسی پر عمل کرتے ہیں باقی اعضاء اس کے تابع ہیں نہاں خانہ دل سے جو فیصلہ صادر ہوتا ہے اس پر عمل ہو تا ہے۔نور ایمان بھی اسی دل میں ہے اسی لیے صوفیاء دل پر محنت کراتے ہیں۔ہمیں اپنے معاملات،اپنی دوستی دشمنی،لین دین دیکھنے کی ضرورت ہے کہ کیا اس میں سچائی ہے کیا اس میں کھرا پن ہے کیا ہمارے اعمال صالح ہیں ہم جو ماننے والے ہیں کیا ہمارا دعوی اور ہمارے اعمال مطابقت رکھتے ہیں۔
  انہوں نے مزید کہا کہ اللہ کے نام میں بڑی برکت ہے۔تصوف سے بندے کو حقائق نظر آنے شروع ہو جاتے ہیں۔قلب اطہر محمد الرسول اللہ ﷺ سے منسلک ہونا یہ اس پہلو میں نہیں ہے کہ مجھ جیسا کوئی نہیں بلکہ بندہ خود کی بھی نفی کرتا ہے اور صرف اللہ کا نام رہ جاتا ہے۔ میں ختم ہو جاتی ہے۔دین اور دنیا کوئی الگ چیز نہیں ہے دنیا وی علوم حاصل کرنا بھی بہت ضروری ہے دنیا کے کام چھوڑنے نہیں ہیں بلکہ دنیا کے امور کو دین کے مطابق کرنا ہی اسلام ہے۔اللہ کریم ہمیں اپنی اور اپنے حبیب ﷺ کی محبت سے نوازے۔اللہ کریم صحیح شعور عطا فرمائیں 
آخر میں انہوں نے امت مسلمہ کے اتحاد کے لیے خصوصی دعا بھی فرمائی۔
ٰٓ یاد رہے کہ امیر عبدالقدیر اعوان برطانیہ کے دورے پر ہیں جہاں برطانیہ کے مختلف شہروں میں سراجا منیرا کانفرنسز کا انعقاد ہو رہا ہے جس میں حضرت امیر عبدالقدیر اعوان خصوصی خطاب فرمائیں گے۔  لندن،بولٹن اور مانچسٹر کے پروگرام ہو گئے ہیں اس کے علاوہ ابھی کئی شہروں کے پروگرامز باقی ہیں۔ 
  آخر میں انہوں نے امت مسلمہ کے اتحاد کے لیے خصوصی دعا بھی فرمائی۔