خواہشات کی تکمیل کے لیے ہم ایک جنگ کر رہے ہیں باہم تضادات پیدا ہو چکے ہیں دست و گریباں ہیں اگر یہ سمجھ آ جائے یہ یقین نصیب ہو جائے کہ جو کچھ ہے اللہ کی طرف سے ہے ہماری زندگی آسان ہو جائے۔کتنی بڑی خوش بختی ہے کہ اللہ کریم اپنی مخلوق کو مخاطب فرماتے ہیں اے لوگوکتنا بڑا شرف ہے۔ہمیں جسے ہم جیسا دوسرا بلانا پسند نہ کرے کائنات کا خالق اسے اپنی طرف متوجہ کرے محتاج ہم ہیں وہ تو مالک ہے وہ بے نیاز ہے۔ دین اسلام ہماری ضرور ت ہے انفرادی زندگی سے لے کر قومی معاملات ہر موقع کی راہنمائی دین اسلام میں موجود ہے ضرورت اس امر کی ہے کہ اسے نافذ کیا جائے اس کے قوانین کا نفاذ ہو تا کہ ہم دنیا و آخرت کی کامیابی حاصل کر سکیں۔
  انہوں نے کہا کہ عبادات اگر بیماریوں کے لیے کریں گے نیت ضروریات کی تکمیل ہوگی تو عبادت کا درجہ تو ختم ہو جائے گا۔عبادات سودے بازی کا نام نہیں ایسی عبادات لے کر جب اللہ کے حضور پیش ہوں گے تو کیا جواب دیں گے کہ یا اللہ ہم تیرے ساتھ سودے کرتے رہے۔وہ تو ایسا غفورالرحیم ہے کہ کوئی غلطی کا سوچے عمل نہ کرے تو گرفت نہیں فرماتا لیکن اگر کوئی نیک عمل کی نیت کرے بے شک ابھی اس نے وہ نیکی کی نہیں اللہ کریم اس کی اس نیت پر اجر عطا فرماتے ہیں۔تو کیا یہ بندگی کا تقاضہ بنتا ہے کہ سب کچھ اس کا دیا ہوا ہے پھر ہم اس کے ساتھ سودے کرتے رہیں۔مسلمان کا تو ہر لمحہ ایسا ہونا چاہیے کہ غیر مسلم دیکھے تو وہ بھی اس پر رشک کرے۔اور ہماری کوئی بھی نالائقی وہ ہمارے کلام کی ہو یا ہمارے عمل کی ہو وہ صرف ہماری ذات تک نہیں رہتی بلکہ اعتراض ہماری بنیاد تک ہمارے عقیدے تک جاتا ہے اللہ کریم ہمیں صحیح شعور عطا فرمائیں اور ہمارے حال پر رحم فرمائیں۔ہمیں دین اسلام کی بہاریں سمیٹنے کی توفیق عطا فرمائیں 
  یاد رہے کہ امیر عبدالقدیر اعوان شیخ سلسلہ نقشبندیہ اویسیہ برطانیہ کے روحانی تربیتی دورے پر تھے یہ گلاسگو میں ان کا آخری پروگرام تھا جو سراجا منیرا کے موضوع پر منعقد ہوا اس سے پہلے لندن،برمنگھم،مانچسٹر،بولٹن،بریڈ فورڈ،نیو کیسل،شیفلڈ،ڈنڈی میں سراجا منیرا کانفرنسز میں خطاب کیے۔