حضرت محمد ﷺ سے جہاں رہنمائی اور مقصد حیات مخلوق کو عطا ہوا ہےوہاں اگر ہم اپنی کمزوری اور خطا ؤں سے معافی کی طلب، آپؐ کی  بارگاہ میں خلوص دل سے حاضر ہو کر کریں تو اللہ کریم  تو بہ قبول فرماتے ہیں بخشش فرماتے ہیں اللہ کریم نے ہر شئے با مقصد پیدا فرما ئی ہے انسا ن کو اللہ کریم نے اپنی اطاعت اور عبادت کے لیے پیدا فرمایا ہے اور اگر کو ئی بھی شئےاپنے مقصد پر نہ رہے تو وہ اپنے مقام سے ہٹا دی جا تی ہے 
ان خیالات کا اظہار سیرت النبی ﷺ کانفرنس او۔جی۔ڈی ۔سی۔ایل ہیڈکوارٹر اسلام آبادمیں شیخ سلسلہ نقشبندیہ اویسیہ و سربراہ تنظیم الاخوان پاکستان ا میر عبد القدیر اعوان نے خواتین و حضرا ت کی بڑی تعداد سے کیا ۔
انہوں نے کہا کہ آپؐ کی ذات مجسم رحمت ہے آپؐ کے صدقے مخلوق پر رحمت فرمائی ہے آپ صلی اللہ علیہ وسلم سے اظہار محبت وہ محبت ہے جس کی حدود قیو د اللہ کریم نے مقرر فرمائی ہیں ۔ یہ اللہ کریم کا احسان ہے کہ اس نے ماہ ربیع الاول کی بابرکت ساعتوں میں اللہ کے نام پر مل بیٹھنے کی تو فیق عطا فرمائی ہے کو شش کریں  کہ ماہ ربیع الا ول ہماری زندگی میں ہمیشہ رہے اور زندگی کا ہر لمحہ آپؐ کی حیات مبا رکہ کے مطابق گزرے اور یہ رشتہ اور اس کی قیمت انشاء اللہ روز محشر لگے گی ۔
آخر میں حضرت امیر عبد القدیر اعوان نے ملک کے تمام اداروں خصو صا ً OGDCL کی ترقی اور ملک میں امن کے لیے دعا فرمائی ۔ امیر عبدالقدیر اعوان کی طرف سے ایم ڈی  احمد حیات لک صاحب کو شییلڈ پیش کی گئی اس کے علاوہ میلاد کمیٹی کے زمہداران جن میں محمد شفیق صاحب ،راجہ ارشاد صاحب،خالد مشتاق صاحب،ساجد علی اور محمد فراز کو شیلڈ دی گئی ۔ ایم ڈی احمد حیات لک صاحب  نے امیر عبدالقدیر اعوان کا شکریہ ادا کیا اور شیلڈ بھی پیش کی