آج ہم نبی کریم ﷺ کے اُمتی ہونے کی وجہ سے دین اسلام کو تو مانتے ہیں لیکن عبادات اور اعمال میں کمزوری نظر آتی ہے۔ہمارا دعویٰ ایمان تو ہے لیکن ہمارے اعمال اس کی شہادت نہیں دے رہے۔ہم چاہتے ہیں کہ وہ معاملہ ہو جو مجھے پسند ہے۔جب اللہ اور اللہ کے نبی ﷺ پر ایمان ہو تو اس میں کسی درجے کی کمزوری نہیں ہونی چاہیے۔ امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا جمعتہ المبارک کے روز خطاب حکم صرف اللہ کا ہے مخلوق کے ذمہ تعمیل ہے اس تعمیل سے دنیا و آخرت کی کامیابی بھی نصیب ہوگی اور اللہ کریم کا قرب بھی نصیب ہوگا۔غیر مشروط اطاعت ہی بندگی کا تقاضا ہے۔ظاہری طور پر اگر تعمیل حکم میں کوئی تکلیف یا آزمائش بھی ہو پھر بھی اس کے نتائج میں کامیابی ہی ہوتی ہے۔صبر اسی کا نام ہے کہ خود کو اللہ کے احکامات پر مضبو طی سے روکے رکھنا۔جب یہ وصف ہو گا تو اللہ کریم کی معیت بھی نصیب ہوگی۔اللہ کریم کے حضور حاضر ہونے کا یقین مضبوط ایمان کی نشانی ہے۔مان لینا لیکن عمل نہ کرنا کا مطلب یہ ہے کہ اعتبار نہیں ہے۔جب برائی بڑھتی ہے تو اللہ کریم ایسے لوگ پیدا فرما دیتے ہیں جو نیکی کرتے ہیں اور برائی کا مقابلہ کرتے ہیں۔اگر ہم اپنے گردو پیش دیکھیں تو ہمیں ایسے لوگ نظر نہیں آتے۔تخریب کرنے والے تو مل رہے ہیں لیکن تعمیر کرنے والے نہیں۔سب کامیابیاں اللہ کی طرف سے ہوتی ہیں ہمارے ذمہ اپنی نیت کا اختیار کرنا ہے اور ہمارا عمل کیسا ہے؟جس کے ذمہ غیر مسلم کا تحفظ تھا جس قوم نے لوگوں کی مدد کرنی تھی لوگوں کی ہدایت کا سبب بننا تھا آج وہ خود غیر مسلم سے امداد کی اُمید لگائے بیٹھی ہے۔ہماری حالت ایسی ہوچکی ہے کہ قرض لینا کامیابی کی علامت بن چکا ہے۔اللہ کریم ہمارے حال پر رحم فرمائیں اور ہمیں صحیح شعور عطا فرمائیں۔ یاد رہے کہ دارالعرفان منارہ میں 2،3 مارچ بروز ہفتہ اور اتوار دو روزہ ماہانہ روحانی اجتماع کا انعقاد کیا گیا جس میں شیخ المکرم حضرت امیر عبدالقدیر اعوان مد ظلہ العالی خصوصی خطاب فرمائیں گے اور اجتماعی دعا بھی ہوگی۔ہر خاص و عام کو اس بابرکت اجتماع میں دعوت عام دی جاتی ہے کہ اپنے دلوں کو برکات نبوت ﷺ سے منور کرنے کے لیے تشریف لائیے۔