Quran O Sunnat Par Amal Karna Aur Rahnumai Haasil Kar Ke Zindagi Basr Karna Hi Asal Maqsad Hona ChahiyeSheikh-e-Silsila Naqshbandia Owaisiah Hazrat Ameer Abdul Qadeer Awan (MZA)

Quran O Sunnat Par Amal Karna Aur Rahnumai Haasil Kar Ke Zindagi Basr Karna Hi Asal Maqsad Hona Chahiye

Munara, Chakwal, Pakistan
24-01-2025

قرآن و سنت پر عمل کرنا اورراہنمائی حاصل کر کے زندگی بسر کرنا ہی اصل مقصد ہونا چاہیے۔چہ جائیکہ ہم فرائض کو چھوڑ کر وظائف کو کل جاننا شروع کر دیں اور اپنی غلطیوں کو جواز دینے کی کوشش کریں یہ بہت بڑا ظلم ہے۔روز قیامت یہ جواز ہمارے کسی کام نہ آئیں گے۔یاد رکھیں کہ اپنی غلطی اور گناہ کو درست خیال کرنے سے توبہ کی توفیق بھی سلب ہو جاتی ہے۔
 امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا جمعتہ المبارک کے روز خطاب۔
  انہوں نے کہا کہ ہم ساری زندگی بھی سربسجود رہیں تو جو کچھ اُس نے ہمیں عطا فرمایا ہے ہم اس کا شکر ادا نہیں کر سکتے۔ہم ہر وقت اس کے مقروض ہیں۔ہم اقرار کرتے ہیں کہ یہ جہان فانی ہے لیکن ہمارے اعمال اس کی شہادت نہیں دے رہے ہوتے ہم مانتے ہیں کہ آخرت ہمیشہ کی زندگی ہے اس کے باوجود ہم اللہ کے احکامات کی پانبدی نہیں کرتے۔ہم اپنی پسند کو ترجیح دیتے ہیں جو حکم ہماری پسند کے مطابق ہو اسے تو مانتے ہیں لیکن جو ہماری پسند سے مختلف ہو اس کو چھوڑ دیتے ہیں۔اللہ کریم کا کوئی حکم ایسا نہیں جس سے مخلوق استفادہ حاصل نہ کرے۔احکامات الٰہی مخلوق کی ضرورت ہیں۔وہ بے نیاز ہے اسے کوئی فرق نہیں پڑتا کوئی اس کا حکم مانے یا چھوڑ دے حکم ماننے والے کو فرق پڑے گا۔
  انہوں نے مزید کہا کہ ہر معاملے میں اللہ کی طرف رجو ع کرنا چاہیے اسی میں انسانی فلاح اور معاشرے کی بقا موجود ہے۔جو کچھ بھی کوئی کر رہا ہے وہ اللہ جانتا ہے اس کے فرشتے لکھ رہے ہیں۔ایک دن سب کو اس کے حضور پیش ہونا ہے۔ہر پہلو ذاتی ہو یا اجتماعی دیکھیے کہ میرے اعمال کیسے ہیں کیا قرآن وسنت کے مطابق ہیں اگر نہیں تو خود اپنے آپ پر ظلم اور زیادتی ہے۔تادم واپسی معافی کا دروازہ کھلا ہے جب یہ فرصت تمام ہو گی پھر موقع نہیں ملے گا۔ہر شخص کو اس کے کام کا پورا پورا بدلہ دیا جائے گا کسی کے ساتھ زیادتی نہیں ہوگی۔
 اللہ کریم ہمیں صحیح شعور عطا فرمائیں۔
  آخرمیں انہوں نے ملکی سلامتی اور بقا کی اجتماعی دعا بھی فرمائی۔
Quran O Sunnat Par Amal Karna Aur Rahnumai Haasil Kar Ke Zindagi Basr Karna Hi Asal Maqsad Hona Chahiye by Sheikh-e-Silsila Naqshbandia Owaisiah Hazrat Ameer Abdul Qadeer Awan (MZA) - Press Releases on January 24,2025
Silsila Naqshbandia Owaisiah, Awaisia, Lataif, Zikr Qalbi, Aulia Allah, Shaikh, Tawajja, Nisbat-e-Owaisiah