پریس ریلیز (دورہ امریکہ اور برطانیہ)
انسانی زندگی پیدائش سے لے کر موت تک خواہشات کا ایک سمندر ہے جس کو طے کرتے ہوئے کنارے پہنچنا ہے ۔ اگر یہ سمجھا جائے کہ ذاتی عقل سے اسے عبور کیا جا سکتا ہے تو یہ مشکل ہی نہیں بلکہ نا ممکن ہے ۔ رب کائنات نے اپنی شناسائی کے حصے تخلیقی طور پر اس بشر کو عطا فرمائے ہیں ۔ اللہ کی توحید کو ماننے کے لیے اس کائنات کی تخلیق پر ہی اگر غور کر لیا جائے تو بندہ اس نتیجہ پر پہنچ سکتا ہے کہ خالق کائنات کوئی ایک ہے ۔ لیکن وہ کیسا ہے اسے کیا پسند ہے کیا نا پسند ہے وہ کس بات پر راضی ہوتا ہے کون سی بات ناراضگی کا سبب بنتی ہے ان تمام باتوں کے لیے اللہ کریم نے انبیاء ;174; مبعوث فرمائے اور اپنا ذاتی کلام نازل فرمایا ۔ ان خیالات کا اظہار امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان نے ناءف ہارنڈن سینٹر ورجینیا میں جمعتہ المبارک کے موقع پر مسلم کمیونٹی سے خطاب کرتے ہوئے کیا ۔
انہوں نے کہا کہ جب انسان اپنے تخلیقی مقصد تک جاننا چاہے گا تو اسے اس نظام کی ضرورت ہے جو اس کے خالق نے اس کے لیے پسند فرمایا ۔ یہ ہماری غلط فہمی ہے کہ ہم یہ سمجھیں کہ دنیا کو میں اپنی عقل و خرد کے ذریعے جیسے چاہوں حاصل کر سکتا ہوں ایسا نہیں ہوتا ۔ یہ اللہ کریم کی اپنی تقسیم ہے کہ کسے کتنا عطا فرماتا ہے ۔ جو اصول اس نے انسان کے لیے پسند فرمائے ہیں اگر کوئی ان اصولوں کے خلاف جاتا ہے تو وہ اپنے اوپر خود ظلم کر رہا ہوتا ہے ۔ اللہ کریم صحیح شعور عطا فرمائیں ۔
یاد رہے کہ امیر عبدالقدیر اعوان ایک ماہ کے امریکہ اور برطانیہ کے روحانی دورہ پر ہیں جہاں وہ مختلف شہروں میں تصوف اور ذکر الٰہی کی اہمیت پر لیکچردے رہے ہیں ۔ 27 اکتوبر کو آپ کا لندن میں بڑا پروگرام ہے جس میں مسلم کمیونٹی کے علاوہ غیر مسلم بھی بڑی تعداد میں شرکت کریں گے