بندہ مومن جب نور ایمان سے روشناس ہوتا ہے تو اس پر زندگی کا ایک ایک پہلو کھل جاتا ہے شعبہ تصوف بندہ کو اس کی حقیقت تک لے جاتا ہے کہ عمل تو اس دنیا میں کر رہا ہوتا ہے لیکن اس کی نظر آخرت پر ہوتی ہے یعنی اس کا ایک ایک لمحہ اور عبادات صرف اللہ کے لیے ہوتی ہیں۔ان خیالات کا اظہار امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان نے امروٹ شریف ضلع شکار پور سندھ میں خطاب کرتے ہوئے کیا۔

  انہوں نے کہا کہ اس شعبہ تصوف کے لیے صرف ایک چیز کی ضرورت ہوتی ہے وہ ہے خالص نیت۔خالص نیت سے شیخ کامل کے پاس حاضر ہونے سے حفاظت الٰہی بھی نصیب ہوتی ہے اور اس راہ میں وہ قرب الٰہی کو بھی حاصل کرتا ہے۔

  یادرہے کہ اس کے علاوہ امیر عبدالقدیر اعوان کے سکھر اور صادق آباد میں مرکز جلسے ہوں گے جس میں سلسلہ عالیہ کے علاوہ مختلف شعبہ ہائے زندگی سے تعلق رکھنے والے لوگ شرکت کریں گے۔