Featured Events

 ماہ مبارک ربیع الاول کی نسبت سے آج ہم یہاں جمع ہیں یہ اللہ کریم کا بہت بڑا احسان ہے۔آپ ﷺ کی ذات کریم پر اللہ اور اس کے فرشتے درود بھیجتے ہیں اور اسی نسبت سے ہم پر بھی احسان فرمایا یہ انعام فرمایا کہ ہم بھی آپ ﷺ کی ذات اقدس پر درود و سلام بھیجیں۔آپ ﷺ کے زمانہ مبارک سے صدیوں کے فاصلے پر آج ہم اس دور سے گزر رہے ہیں جب ہمارے جائے نماز کی بنائی میں بھی سود شامل ہے. اس سب کے باوجود اللہ کریم ہم پر مہربانی فرمائیں کہ ہمارا نبی کریم ﷺ سے یہ اظہار محبت اپنی بارگاہ میں قبول فرمائیں۔
 امیر عبدالقدیر اعوان شیخ سلسلہ نقشبندیہ اویسیہ وسربراہ تنظیم الاخوان پاکستان کا ڈیرہ نور ربانی کھر،کو ٹ ادو میں جمعتہ المبارک کے روز جلسہ بعثت رحمت عالم ﷺ پر ہزاروں مرد و خواتین سے خطاب!
  انہوں نے کہا کہ محبت رسول ﷺ اس وقت تک اپنی معراج کو نہیں پہنچ سکتی جب تک آپ ﷺ سے محبت جان،مال،اولا د یعنی دنیا کی ہر چیز سے زیادہ نہ ہو۔آپ ﷺ پر درود شریف کی کثرت سے ہمیں دنیا و آخرت کی بھلائی عطا ہوتی ہے۔آپ ﷺ سے ایک صحابی ؓ نے پوچھا کہ میں درود شریف کے لیے اگر آدھا وقت مختص کر لوں تو کیا مناسب ہے تو آپ ﷺ نے فرمایا اگر بڑھا لو تو اور اچھا ہے پھر پوچھنے پر فرمایا اگر سارا وقت درود شریف کے لیے مختص کر لو تو دنیا و آخرت کی بہتری کے لیے کافی ہے۔
  تصوف پر بات کرتے ہوئے انہوں نے کہا کہ سلاسل تصوف وہ نسبت ہے جو قلب اطہر محمد الرسول اللہ ﷺ سے جا جوڑتا ہے۔سلسلہ نقشبندیہ اویسیہ کے تحت ذکر قلبی کرایا جاتا ہے اس ذکر کو اگر آپ اپنی زندگی کے معمولات میں لے آئیں تو اس سے گناہ سے نیکی کی طرف سفر شروع ہو جائے گا۔اس موقع پر حضرت جی مد ظلہ العالی نے سب کو ذکر قلبی بھی کرایا اور بیعت سے نوازا۔
  آخر میں انہوں نے ملک رضا ربانی کھر ایم این اے کے والد محترم ملک نور ربانی کھر کی مغفرت کے لیے اور ملک وقوم کی ترقی کے لیے خصوصی اجتماعی دعا بھی فرمائی۔

ماہ ربیع الاول وہ ماہ مقدس ہے جو ہمارے دلوں پر ہر سال یہ دستک دیتا ہے کہ ہم اپنی زندگیوں کو ٓپﷺ کے اسوہ حسنہ پر لے  آئیں .بعث عالی ﷺ مومنین پر اللہ کریم کا بہت بڑا احسان ہے کہ جس سے بندہ اے مومن کو امتی کا وہ رشتہ عطا ہوتا ہے جو کہ روز محشر جہاں شفاعت محمدﷺ سے بہرہ مند فرمائے گا اور جب کسی کو کوئی سایہ میسر نہ ہو گا تو اس وقت آپﷺ کی رحمت کے سائے میں جگہ عطا ہو گی۔ ان خیالات کا اظہار حضرت امیر عبدالقدیر اعوان شیخ سلسلہ نقشبندیہ اویسیہ سربراہ تنظیم الاخوان پاکستان نے بعثت رحمت عالم ﷺکانفرنس
رائل تاج مارکی ٹوبہ ٹیک سنگھ میں ہزاروں خواتین حضرات سے خطا ب کر تے ہوئے کیا
انہوں نے مزیدکہا کہ اس وقت سارا معاشرہ یہ گلا کر رہا ہے کہ فلاں ٹھیک نہیں ہے لیکن بحثیت انفرادی ہم اپنے عمل کو نہیں دیکھ رہے کہ وہ  کتنا دین اسلام کے خلاف ہے کیونکہ دعوی محبت و عشق ﷺ اسو قت تک صادق نہیں ہو سکتا جب تک اس کی شہادت اس کے اعمال نہ دیں قرآن مجید میں ارشاد باری تعالی ہے کہ اے ایمان والو! اللہ کے پیغمبر سے سبقت نہ کیا کرو اس سے مراد یہ ہے کہ ہمارا ہر عمل آپ ﷺ کی اتباع میں ہو زندگی کا ایک ایک لمحہ انتہائی قیمتی ہے اپنے ہر سانس کو اللہ کی نام کے ساتھ مزین کریں اور اس کے لئے سلاسل ِ تصوف میں ذکر قلبی کرایا جاتا ہے جو کہ سینوں میں وہ کیفیت انڈیل دیتا ہے جو کہ سینہ اطہر ﷺ سے تسلسل کے ساتھ آ رہی ہیں
حضرت امیر عبدالقدیر اعوان نے حاضرین محفل سے سلسلہ نقشبندیہ اویسیہ کے تحت ظاہری بعیت لی اس بابرکت محفل میں محمد جنید انوار ایم  این  اے  ٹوبہ ٹیک سنگھ نے بھی شرکت کی اس کے علاوہ صاحب مجاز محمد حفیظ،محمد نواز،اظہر خورشید،نواز صاحب جھنگ نے شرکت کی.

حضرت محمد ﷺ کی بعثت مبارکہ نے امت محمدی ﷺ کو غلامی کی زنجیروں سے نکال کر ہر قسم کے تسلط سے آزاد کر دیا اور در در پر سر جھکانے کے بجائے ایک واحد و لا شریک سے اپنی ہر ضرورت کی تکمیل کرنے کی تعلیم سے نوازا آج ہم ماہ ربیع اوّل میں اظہار محبت علانیہ تو کر رہے ہیں حالانکہ ضرورت اس امر کی ہے  کہ ہم اپنی زندگیوں کو دین اسلام کے تحت لے آئیں حضرت امیر عبدالقدیر اعوان شیخ سلسلہ نقشبندیہ اویسہ و سربراہ تنظیم الاخوان پاکستان کا راج محل مارکی میانوالی میں ہزاروں خواتین و حضرات سے بعثت رحمت عالم ﷺ کانفرنس سے خطاب 
انہوں نے مزید کہا کے دین اسلام سراط مستقیم ہے اس راہ پر چلنے سے دنیوی زندگی بھی سہل ہو جائے گی اور ہمارے درمیان جو نفاق اور جھگڑے ہیں وہ بھی ختم ہو جائیں گے اور ہمارا مثبت کردار ملک اور قوم کو مشکل حالات سے نکالنے کا سبب ہو گا ہم جب اسوہ رسول ﷺ پر عمل پیرا ہو ں گے تو دشمن جو کہ ہمارے ملک کو نقصان پہنچانا چاہتے ہیں انکے عزام خاک میں مل جائیں گے اپنی عبادات میں خشوع و خصوع شعبہ تصوف میں اللہ اللہ کی تکرار سے حاصل ہو تا ہے اور یہ برکات جو کہ سینہ اطہرﷺ سے آ رہی ہیں تسلسل کے ساتھ سینہ بہ سینہ آگے تقسیم ہو رہی ہے اور یہ وہ بہر ہے جو بندہ مومن کو اللہ کے روبرو کھڑا کر دیتا ہے آج ہم نے تصوف کو اولاد کے حصول جادو ٹونہ و جنات سے چھٹکارا سمجھ لیا ہے جو کہ بلکل غلط ہے 
حضرت امیر عبدالقدیر اعوان نے سلسلہ نقشبندیہ اویسیہ میں خواتین و حضرات سے ظاہری بعیت لی اور ملک و قوم کی سلامتی اتحاد ویگانگت کے لئے دعا فرمائی۔پروگرام ھٰذا میں علی حیدر نور خان نیازی مسلم لیگ نون،ایاز خان نیازی پی پی پی، چیف ایڈیٹر نوائے شرر راناامجد اقبال،صدر ڈسٹرکٹ پریس کلب گلیشیر خان،جنرل سیکرٹری حبیب الرحمن،غلام حسین اعوان،صدر انجمن تاجران مسلم بازار عبدالمالک خان،سابق تحصیل ناظم حاجی خورشید انوار بٹیاں ایڈوکیٹ ہمایوں علوی جنرل سیکرٹری الاخوان پنجاب عبدالماجد اعوان،سیکرٹری اطلاعات امجد اعوان،صاحب مجازین سلسلہ عالیہ  میجر غلام قادری،ہیڈ ماسٹر محمد خان،حاجی رفیق،ڈویزنل صدر الاخوان عمر ممتاز چیمہ،جنرل سیکرٹری ارشاد حسین۔ضلعی ذمہ داران شریف کنندی حافظ عبدالماجد خان محمد ریاض و دیگر شریک تھے