Featured Events

ایسے اعمال اختیار کیے جائیں جو صالحین نے اختیار کیے تبھی معاشرے میں نیکی پھیلے گی خود بھی نیکی کریں دوسروں کو نیکی کرنے کی ترغیب دیں ایسے ہی معاشرے نیک ہوتے ہیں۔ہمارے پاس اللہ کا کلام موجود ہے جو نیکی اور بدی میں واضح تفریق کرتا ہے جس میں کوئی شبہ نہیں رہتا۔آپ ﷺ نے حدودو قیود مقرر فرما دی ہیں۔آج لوگ کہتے ہیں نیا دور ہے اس کے نئے مسائل ہیں ان کا حل بھی کسی نئے طریقے سے نکالا جائے یہ بے دینی ہے۔آج بھی ضروریات وہی ہیں صرف تکمیل کے زرائع بدلے ہیں۔حقوق و فرائض آج بھی وہی ہیں۔15  صدیاں شہادت دے رہی ہیں جب بھی کسی سوال کی ضرورت پیش آئی اس کا جواب قرآن وسنت میں موجود ہے۔بعثت محمد الرسول اللہ ﷺ پوری انسانیت کے لیے ہے اور قیامت تک کے لیے ہے۔قرآن کریم نبی کریم ﷺ کا بہت بڑا معجزہ ہے جو قیام قیامت تک رہے گا۔
 امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا جمعتہ المبارک کے روز خطاب
  انہوں نے کہا کہ کشف و الہام کو قرآن کریم کے تحت جانچنے کی ضرورت ہوتی ہے۔انبیاء معصوم ہوتے ہیں یہ اللہ کا ان پر کرم اور احسان ہوتا ہے۔انبیاء کا خواب بھی وحی ہوتی ہے۔ولی کی جب بات آئے گی تو اولیا ء، انبیاء ؑ کے تحت ہوتے ہیں ان کا کشف صرف اسی کے لیے ہوتا ہے جس کو کشف ہو اور پھر کشف کو قرآن کریم سے جانچا جائے گا کیونکہ کشف میں غلطی بھی لگ سکتی ہے۔ بعثت محمد الرسول اللہ ﷺ کے بعد کسی نئے حکم کی ضرورت باقی نہیں رہتی۔آپ امام الانبیاء خاتم النبین ہیں۔قیام قیامت تک آپ ﷺ کی تعلیمات پر عمل ہوگا۔ہماری بہت بڑی کمزوری یہ ہے کہ ہم اصل سے ہٹ گئے ہیں۔قرآن وسنت سے ہٹ گئے ہیں ہمیں دوبارہ قرآن کریم سے رجوع کرنے کی ضرورت ہے ہمارے تمام مسائل کا حل آج بھی قرآن کریم میں موجود ہے۔ہم اغیار سے استفادہ حاصل کرنا چاہتے ہیں جوہمیں مزید پستی کی طرف لے کر جا رہے ہیں۔اللہ کریم صحیح شعور عطا فرمائیں۔
  آخر میں انہوں نے ملکی سلامتی اور بقا کی اجتماعی دعا  بھی فرمائی

معا شرے میں ایک بات عام ہو گئی ہے کہ ہم دوسروں سے تعلق اس لیے رکھتے ہیں کہ وہ مجھے کیا دے گا اور اس سے مجھے کیا فائدہ ہو گا حالا نکہ بے لوث اور حقیقی تعلق یہ ہے کہ بندہ دینے والا ہو اور اس کی کو شش ہونی چا ہیے کہ اس کے پاس جو کچھ ہے وہ اپنے مسلمان بھا ئی کو دے کر خوش ہو ۔اللہ کریم نے مقربین بارگا ہ الہی انبیا ء کو وہ علوم عطا فرمائے ہیں جن کا ہم نہ کو ئی پیمانہ لگا سکتے ہیں اور نہ ہماری حیثیت ہے کہ اس کا اندازہ لگائیں آپ ﷺ سے باقی تمام انبیا ء کو علوم عطا فرمائے اس لیے یہ بات ذہن نشین ہو نی چا ہیے کہ یہ موضو عات ایسے ہیں کہ جن کو زیر بحث نہ لا یا جا ئے کیونکہ خدشہ ہے کہ ان عظیم ہستیوں کی بارگا ہ میں کہیں  گستاخی نہ ہو جا ئے۔
ان خیا لات کا اظہار شیخ امیر عبدا لقدیر اعوان  مدظلہ العالیٰ نے جمعہ کے موقعے پر خطاب کرتے ہو ئے کیا
انہوں  مزیدفرمایا کہ آبرو اور عزت کیا ہے ؟آبرو تحفظ ہے، آبرو خالص اصول ہیں، زندگی میں آبرو تسکین ہے جو انسان زندگی بسر کرتے ہوئے اپنے نہاں خانہ دل میں محسوس کرتا ہےاور یہ تسکین حق کی راہ پر چلے بغیر حاصل نہیں ہو سکتی معا شرے میں اور اپنی زندگیوں میں اگر ہم صحیح اور غلط کا بر ملا اظہا ر نہیں کریں گے تو یہ درست نہ ہو گا اس لیے کو شش کرنی ہے کہ اپنے آپ کو حرام مال سے بچا یا جا ئے اور جب بندہ مومن صراط مستقیم اختیا ر کرتا ہے تو اس کو حفا ظت الٰہی نصیب ہو جا تی ہے ۔اور یہ حفاظت بہت بڑی عطا ہے اللہ کی ۔آخر میں ملک کی سلامتی اور بقا کی اجتماعی دعا بھی فرمائی

اللہ کریم نے وطن عزیز کو کفر پر فتح نصیب فرمائی اس موقع پر قوم تمام اختلافات کو بھلاکر یکجان ہو کر دشمن کے خلاف سیسہ پلائی دیوار بن گئی یہی جذبہ درکار ہے کہ ہم اپنے وطن کی تعمیر کر سکتے ہیں۔ حملہ آور اقوام کا ایک ہی مقصد تھا اور ہے کہ یہاں کے بے پناہ قدرتی وسائل کو حاصل کرنا اور ان حق والوں کو حق سے ہٹانا۔ہماری مسلح افواج کی چند گھنٹوں کی جوابی کاروائی نے پوری دنیا کو یہ باور کرا دیا ہے کہ ہمارے پاس جدید ٹیکنالوجی کے ساتھ ساتھ اللہ کی غیبی مدد بھی شامل حال ہے۔ اللہ کریم نے اس قوم کو بے پناہ صلاحیتوں سے نوازا ہے کہ دنیا کی کوئی قوم ان سے مقابلہ نہیں کر سکتی۔اور اللہ کے نزدیک پسندیدہ دین، دین اسلام ہے۔ 
 امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا ماہانہ روحانی اجتماع کے موقع پرخطاب
  انہوں نے کہا کہ دین اسلام جہاں امن کا درس دیتا ہے وہاں ظلم کو روکنے کا ارشاد بھی فرماتا ہے ہمیں ہر لحاظ سے تیار رہنے کی ضرورت ہے کیونکہ ہمیں آئندہ بھی اپنے دفاع کے لیے لڑنا پڑے گا اور اس کے لیے ضرورت اس امر کی ہے کہ ہم اپنے آپ کو پورے کا پورا دین اسلام میں ڈھال لیں اور اپنے گناہوں کی بخشش طلب کریں اللہ سے معافی مانگیں کیونکہ ہماری کمزوریوں کا واحد حل یہ ہے کہ ہم وہ راہ اختیار کریں جو اللہ اور اللہ کے حبیب ﷺ نے بتائی ہے۔ وطن کی تعمیر اور ترقی کے لیے اس کے ہر شعبے میں اپنا بھرپورکردار ادا کریں ہمارا ہر عمل صرف اور صرف اللہ کی رضا کے لیے ہو۔
انہوں نے مزید کہا کہ اللہ اللہ کرنے سے انابت بھی نصیب ہوتی ہے پھر انابت کے ساتھ خلوص بھی نصیب ہوتا ہے۔ذکر اللہ دوا بھی ہے اور غذا بھی۔ہمیں چاہیے کہ ہم اپنی زندگیاں تعلیمات محمد الرسول اللہ ﷺ کے ساتھ ساتھ کیفیات محمد الرسول اللہ ﷺ سے مزین کریں۔بندگی اور اتباع رسالت ﷺ کو اپنا شعار بنا لیں۔اللہ کریم صحیح شعور عطا فرمائیں۔
  آخر میں انہوں نے ملکی سلامتی اور بقا کی اجتماعی دعا بھی فرمائی۔

سلام آباد، پاکستان – شیخ سلسلہ نقشبندیہ اویسیہ حضرت امیر عبدالقدیر اعوان مدظلہ العالی اپنے سالانہ روحانی تربیتی  دورہ برطانیہ اور یورپ کے بعد پاکستان واپس پہنچ گئے ہیں۔
اسلام آباد انٹرنیشنل ایئرپورٹ پر ان کا فقید المثال استقبال کیا گیا، اس موقع پر راولپنڈی و اسلام آباد ڈویژن کے ذمہ داران، جن میں خلیفہ مجاز راولپنڈی ڈویژن محمد ارشد، خلیفہ مجاز ٹیکسلا حیدر زمان، قائم مقام صاحب مجاز اسلام آباد ڈاکٹر منیر احمد، جنرل سیکرٹری راولپنڈی ڈویژن چوہدری طارق، سیکرٹری فنانس طارق اعوان، صدر الاخوان اسلام آباد امجد علی ملک، مرکزی سیکرٹری اطلاعات پاکستان امجد محمود اعوان کے علاوہ سلسلہ عالیہ کے سالکین، عقیدت مندوں، دوستوں و احباب کی ایک کثیر تعداد موجود تھی۔
اپنے دورے کے دوران حضرت امیر عبدالقدیر اعوان مدظلہ العالی نے "سراجاً منیراً" کے عنوان کے تحت برطانیہ اور یورپ کے مختلف شہروں میں خطابات کیے، جن میں لندن، برمنگھم، مانچسٹر اور بریڈفورڈ (یوکے) کے علاوہ اوسلو (ناروے)، میونخ (جرمنی)، دی ہیگ (نیدرلینڈز) اور بارسلونا (اسپین) شامل ہیں۔ ان پروگرامات کے تحت حضرات و خواتین کی کثیر تعداد مستفید ہوئی.    
اپنے خطابات میں آپ نے حضور نبی کریم ﷺ کی محبت اور ان کی تعلیمات پر عمل پیرا ہونے کی اہمیت پر زور دیا۔ آپ کا کہنا تھا کہ ایک مومن کی زندگی کا مقصد صرف اللہ کی رضا اور محبت رسول ﷺ میں گزارنا ہے، جس کے لیے ہر عمل میں اللہ کے احکامات کو ترجیح دینی چاہیے۔
حضرت امیر عبدالقدیر اعوان مدظلہ العالی نے فرمایا کہ مغربی دنیا میں جو ترقی نظر آتی ہے، اس کا راز درحقیقت حضور ﷺ کی تعلیمات میں پنہاں ہے۔ آپ نے مسلمانوں پر زور دیا کہ وہ ان اصولوں پر عمل کریں تاکہ دنیا و آخرت میں کامیابی حاصل کر سکیں۔ آپ نے نماز کو بندہ مومن کی معراج قرار دیتے ہوئے فرمایا کہ یہ انسان کو اللہ کے قریب کرتی ہے اور زندگی میں سکون و اطمینان پیدا کرتی ہے۔
نوجوانوں سے خطاب کرتے ہوئے آپ نے دنیاوی تعلیم کے ساتھ ساتھ دینی تعلیم حاصل کرنے کی اہمیت پر روشنی ڈالی تاکہ ایمان میں پختگی آئے اور اعمال صحیح سمت میں رہیں۔ آپ نے ذکر الٰہی کی مرکزی حیثیت کو اجاگر کرتے ہوئے ذکر قلبی کا طریقہ سکھایا، جو انسان کو اللہ کی یاد میں فنا ہونے اور روحانی سکون حاصل کرنے میں مدد دیتا ہے۔
اپنے دورے کے دوران حضرت امیر عبدالقدیر اعوان مدظلہ العالی نے مسلم کمیونٹیز اور مقامی رہنماؤں سے ملاقاتیں کیں، جس میں آپ نے امت مسلمہ کے اتحاد، فلسطین کے مظلوم مسلمانوں کی حمایت اور عالمی امن جیسے اہم موضوعات پر خطاب کیا۔ ان کے دورے اور خطبات نے مغرب میں مقیم مسلمانوں کے دلوں میں اسلام کی حقیقی تعلیمات کو اجاگر کیا اور اخلاقی و روحانی ترقی کی نئی راہیں کھولیں۔یہ دورہ محبت، اتحاد اور اللہ کی یاد کے پیغام کو مضبوطی سے پھیلانے کا ذریعہ بنا، جس نے یورپ مقیم مسلمان communities کے دلوں پر گہرا اثر چھوڑا ہے۔
امیر عبدالقدیر اعوان مدظلہ العالی نے استقبال کیلیے آنے والوں سے مصافحہ فرمایا جبکہ احباب اپنے شیخِ مکرم کی خدمت میں عقیدت و محبت کے اظہار کے طور پر پھولوں کے گلدستے پیش کیے

بیرون ممالک مقیم افراد وطن عزیز کا وہ سرمایہ ہیں جو نہ صرف اپنے اُن خاندانوں کی جو پاکستان میں مقیم ہیں کفالت کر رہے ہیں بلکہ ملک کے لیے زرمبادلہ بھیجنے کا بھی سبب ہیں۔یہ سب ہمارے بھائی وطن عزیز پاکستان کے بہترین سفیر ہیں۔اچھا کاروبار اور ملازمت کرتے ہوئے حکمت سے کام لے جس سے مراد یہ ہے کہ صرف اس دنیا کو نہ دیکھے بلکہ اس کی نظر روز محشر پر ہونی چاہیے۔
 شیخ سلسلہ امیر عبدالقدیر اعوان کا پنجاب شینواری ریسٹورنٹ بارسلونا اسپین میں سراجا منیرا کانفرنس سے خطاب
  انہوں نے کہا کہ انسانیت کوئی مذہب نہیں ہے اگر لفظ انسانیت سے درمصطفے ﷺ کے اصول اور ضابطے ہٹا دیے جائیں تو  انسانیت بھی نہیں رہے گی اور انسانیت کے اصول بھی نہیں ملیں گے۔ آج بھی سارا مغرب اور یورپ جو ترقی یافتہ خطے ہیں چودہ صدیاں پہلے ان میں یہ اصول و ضوابط کیوں نہیں تھے یہ سارے اصول جن سے آج یہ معاشرے ترقی یافتہ کہلاتے ہیں  بعثت رحمت عالم ﷺ کے عطا کردہ ہیں۔ جس قوم نے بھی وہ اصول اور ضابطے اپنائے ہیں جو اللہ اور اللہ کے حبیب ﷺ نے عطا فرمائے انہوں نے دنیامیں ترقی کی   جب سے مسلمانوں نے دین اسلام سے دوری اختیار کی ہے تب سے یہ دست و گریباں ہیں۔ہم نے دنیاوی اصول بھی چھوڑ دئیے آج ہماری حیثیت کیا ہے ہماری رائے کی کوئی حیثیت نہیں رہی۔
  انہوں نے مزید کہاکہ خیر القرون وہ مبارک زمانہ ہے جنہیں معیت محمد الرسول اللہ ﷺ نصیب ہوئی۔اُس زمانے میں جلسے جلوس اور تقا ریر نہیں ملتی بلکہ تبلیغ کا سب سے بڑا زریعہ کردار تھا۔مسلمانوں کے کردار ایسے تھے کہ غیر مسلم جوق در جوق اسلام میں داخل ہوتے گئے 
 مزاج انسانی ہے کہ جزا وسزا کا احساس ہو تویہ حدود میں رہتا ہے۔ہمارا روز آخرت پر،اوراس بات پر یقین کمزور ہو چکا ہے کہ ہم نے ایک دن اپنے ایک ایک فعل کا حساب بھی دینا ہے۔
  انہوں نے مزید کہا کہ میری کوشش ہوتی ہے ذکر اللہ اور کیفیات محمد الرسول اللہ ﷺ کی دعوت لوگوں تک پہنچائی جائے۔حاضرین محفل کو ذکر قلبی کا طریقہ بتایا اور آخر میں امت مسلمہ کے اتحاد اور بقا کی اجتماعی دعا بھی فرمائی۔

شیخ سلسلہ حضرت امیر عبدالقدیر اعوان نے بارسلونا سپین پاکستان ہاؤس میں پاکستانی ہائی کمشنر جناب مراد علی وزیر سے ملاقات کی اس موقع پر انہوں نے مختلف امور پر تبادلہ خیال کیا۔حضرت امیر عبدالقدیر اعوان نے سپین میں پاکستانی کمیونٹی کے حوالے سے جناب مراد علی وزیر کی کاوشوں کو سراہا۔ملاقات کے اختتام پر حضرت نے خصوصی دعا بھی فرمائی۔