Featured Events


سالانہ برطانیہ وزٹ 2023

Salana England Tour 2023 - 1

قطب آن لائن سماء ٹی وی

Watch Qutb online Samaa tv YouTube Video

نظام تعلیم

Watch Nizam e Taleem YouTube Video

موجودہ حالات میں بہتری کے لیے نظام تعلیم میں بھی بہتری کی انتہائی ضرورت ہے


 جتنے مسائل ہیں ان سے نکلنے کے لیے بہت بڑا حصہ ہمارے نظام تعلیم کا بھی ہے۔نظام تعلیم پر توجہ دینے کی اشد ضرورت ہے۔ہماری آنے والی نسلوں کی تربیت نظام تعلیم کے ساتھ وابستہ ہے۔ہم وقتی اور جذباتی کیفیت کے ساتھ چلتے ہیں۔لمحہ لمحہ بندہ امتحان میں ہے۔درست سمت کی طرف چلنا صبح شام ایک مسلسل عمل ہے۔قوموں کے لیے اصول وضوابط کی ضرورت ہے ہوتی ہے اور آپ ﷺ نے پوری انسانیت کے لیے درد محسوس کیا جو گ آپ ﷺ سے اختلاف رکھتے انہوں نے بھی کبھی آپ ﷺ کی بات اور عمل پر کبھی انگلی نہیں اُٹھائی۔آپ ﷺ نے ایسا مربوط نظام دیا کہ آنے والے زمانوں نے اس کی شہادت دی کہ کتنا درست نظام ہے۔ہماری تنزلی کا سبب وہ اصول و ضوابط چھوڑ دئیے جو ہمارے عروج کا سبب تھے۔ 
 امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا جمعتہ المبارک کے موقع پر خطاب
  انہوں نے کہا کہ جہاں جب بھی انسان اپنی پسند کا نظام لے کر آیا وہاں ظلم اور زیادتی ہی ہوئی۔کیونکہ کسی ایک کی پسند دوسرے کی نا پسند ہو سکتی ہے۔کہیں کسی ایک کا فائدہ دوسرے کے نقصان کا سبب بن سکتا ہے۔ انسانیت میں اللہ کے حکم کے بغیر تقویت نہیں آسکتی۔اللہ کریم کی پسند عین عدل ہے جو انسان کے تمام فطری تقاضے پورے فرماتی ہے۔احساس زمہ داری کی اشد ضرور ت ہے۔جو ہمارے ذمہ ہے ہم اسے چھوڑ دیتے ہیں سب سے پہلے خود اپنے سے شروع کریں جو آپ کی ذمہ داری ہے اسے پورا کریں پھر اپنی فیملی کو ترغیب دیں کہ بحیثیت قوم اور امت اپنی ذمہ داری ادا کریں اس کے بعد مخلوق سے بات کریں گے تو سنی بھی جائے گی۔بحث سے نکل کر عملی اقدام کی ضرورت ہے۔اللہ کریم صحیح شعور عطا فرمائیں۔
آخر میں انہوں نے ملکی سلامتی اور بقا کی اجتماعی دعا بھی فرمائی۔
Mojooda halaat mein behtari ke liye nizaam taleem mein bhi behtari ki intehai zaroorat hai - 1

معاشی نظام کے ااہمیت

Watch Moashi Nizam k Asrat YouTube Video

سبز ہلالی پرچم اور وطن عزیز کی ہر شئے ہمیں جان سے زیادہ عزیز ہونی چاہیے


وطن عزیز اور سبزہلالی پرچم کے حصول کے لیے لاکھوں جانیں نچھاور ہوئیں۔آج ہمارے ملک میں ہماری نالائقی اور نااہلی کی وجہ سے جو کچھ ہوا وہ ایسے ہی ہے جیسے ہم اپنے گھر کی چھت کو خود اپنے ہاتھوں سے گرا رہے ہوں۔ہمارے ملک کے باسی ایک دوسرے پر جان نچھاور کرنے والے ہیں ایسا کیا ہوا کہ یہ اپنے ہی بھائیوں اور ملک کی املاک کو نقصان پہنچانے کے درپے ہو گئے۔ملک دشمن عناصر ہماری اُن بنیادوں کو جو اللہ کریم پر ایمان کے ساتھ مضبوط ہیں کو کھوکھلا کرنے میں لگے ہیں اور ہم خواب غفلت میں ہیں اس بات کا ادراک نہیں کر رہے۔ہمیں واپس لوٹنا ہوگا اور رجو ع الی للہ کرنا ہوگا تاکہ ہم ان سازشوں اور ملک دشمن عناصرکا مقابلہ کر سکیں اور وطن عزیز کی ترقی اور خوشحالی کے لیے اپنا مثبت کردار ادا کر سکیں۔
امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا جمعتہ المبارک کے موقع پر خطاب!
  انہوں نے مزید کہا کہ جب انسان نفسانی خواہشات کے پیچھے لگ جاتا ہے تو وہ چاہتا ہے کہ باقی لوگ بھی میری خواہش کے مطابق رہیں میری ہاں میں ہاں ملائیں وہ دوسروں پر بھی اپنی پسند مسلط کرنا چاہتا ہے۔وطن عزیز پاکستان کو بکھیرنے میں کروڑوں کے بجٹ لگائے جا رہے ہیں اور ہم میں سے ہر کوئی اس کا حصہ بن رہا ہے۔ہماری بد اعمالیوں کے اثرات ہماری موجودہ نسل تک پہنچ چکے ہیں ہم اور ہماری اولادوں میں فاصلے پیدا ہو گئے ہیں کوئی کسی کی بات سمجھنے کو تیار نہیں ہے۔اس سب کا واحد حل توبہ اور رجوع الی اللہ ہے۔اللہ کریم ہمیں صحیح شعور عطا فرمائیں اور ملک و قوم کے لیے اپنا مثبت کردار ادا کرنے کی توفیق عطا فرمائیں۔
  آخر میں انہوں نے ملکی سلامتی اور بقا کی اجتماعی دعا بھی فرمائی
Sabz hlali parcham aur watan Aziz ki har shye hamein jaan se ziyada Aziz honi chahiye - 1

احساس ذمہ داری (ماہانہ اجتماع دارالعرفان منارہ )


احساس ذمہ داری (ماہانہ اجتماع دارالعرفان منارہ )

Watch Ehsas e Zimdari YouTube Video
Ehsas e Zimdari - 1
Ehsas e Zimdari - 2
Ehsas e Zimdari - 3
Ehsas e Zimdari - 4
Ehsas e Zimdari - 5
Ehsas e Zimdari - 6

دعوت الی اللہ کے لیے ضروری ہے کہ بندہ خود بھی با عمل ہو


 دعوت الی اللہ کے لیے ضروری ہے کہ بندہ خود بھی با عمل ہو اور جسے دعوت دی جا رہی ہو اس کی خیر خواہی مقصود ہو۔محبت،پیار،شفقت اور حکمت کے ساتھ مخلوق کو خالق کی طرف بلایا جائے اور اپنے مزاج کی سختی کو حائل کیے بغیر تبلیغ کی جائے۔تبلیغ کے لیے کوئی وقت مخصوص کرنا ضروری نہیں ہمارا ہر عمل اللہ کے حکم کے مطابق اور نبی کریم ﷺ کی سنت کے مطابق ہونا چاہیے یہ عمل ہمہ وقت کا ہے کسی بھی عمل کو جب دین اسلام کے اصولوں کے مطابق کیا جائے گا تو ہر لمحہ عبادت شمار ہو گا۔اور اُس عمل کے نتائج بھی اعلی ہوں گے۔پھر ہمارا کردارہماری تبلیغ ہو گا۔
 امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا دوروزہ ماہانہ روحانی اجتماع کے موقع پر سالکین کی بڑی تعداد سے خطاب!
  انہوں نے کہا کہ قرآن کریم کا انسانیت کو نصیب ہونا انسانیت کے لیے بہت بڑا شرف ہے۔تربیت کے لیے انبیاء مبعوث فرمائے گئے۔ہمیں اپنی ذات کے خول سے نکل کر ذاتِ باری تعالی کی بات کرنی چاہیے۔اللہ اتنے کریم ہیں کہ اگر کوئی گناہ کا ارادہ رکھتا ہو پھر اسے رد کر دے تو اس پر بھی اجر و ثواب عطا فرماتے ہیں اور اگر کوئی نیک اعمال اختیار کرے تو اس پر کیا کرم اور فضل ہو گا۔اللہ کریم ہر ایک کے حال سے واقف ہیں کوئی ظاہر کرے یا چھپائے۔عبادات کا شمار کرنا لازم نہیں وہ جانتا ہے کہ کس درجے کے رکوع و سجود ہیں اور ایک دن آنے والا ہے جب سب جان جائیں گے کہ ان کے اعمال کس درجے کے تھے۔ہمیں اپنی پوری قوت سے اس کی اطاعت کرنی ہے نتائج اللہ کریم کے دستِ قدرت میں ہیں اللہ کریم ہمارے حال پر رحم فرمائیں اور ہمیں صحیح شعور عطا فرمائیں۔
  آخر میں انہوں نے ملکی سلامتی اور بقا کی اجتماعی دعا فرمائی۔
Dawat e Allah ke liye zaroori hai ke bandah khud bhi ba amal ho - 1

تعمیروتخریب

Watch Tameer o Takhreeb YouTube Video