Latest Press Releases

حضرت آدم ؑ کا وجود جب مٹی اور گارے کے درمیان تھا میں (حضرت محمدﷺ) اس وقت بھی اللہ کا رسول تھا۔امام الا نبیاء کو مبعوث فرما کر اللہ کریم فرماتے ہیں کہ بندہ مومن پر میرا یہ سب سے بڑا احسان ہے۔انسان کی تخلیق میں ہے کہ اس نے کسی نہ کسی کو سجدہ ریز ہونا ہے۔  بندہ مومن در در سجدے کرنے کی بجائے اللہ کی بارگاہ میں سجدہ ریز ہوتا ہے جو اسے ہر چوکھٹ سے آزاد کر دیتا ہے۔جو نظریات مخلو ق نے اپنے قائم کیے وہ اقوام ہمیشہ ناکام رہیں اور کامیابی ان کا مقدر ہوئی جنہوں نے اللہ اور اللہ کے نبی ؑ کی بات کو بنیاد بنایا۔خالق کائنات بہتر جانتے ہیں کہ میرے بندے کو کیا پسند ہے؟اس کے لیے کیا بہتر ہے اللہ کریم ایک ایک پہلو میں تربیت فرما رہے ہیں۔
 امیر عبدالقدیر اعوان شیخ سلسلہ نقشبندیہ اویسہ کا  conecticut  امریکہ میں بعثت رحمت عالم ﷺ کانفرنس سے خطاب۔
  انہوں نے کہا کہ قلب انسانی وجود میں بادشاہ کی حیثیت رکھتا ہے جو کیفیات کا بھی گھر ہے۔ایسے لوگ بھی دیکھے جن کے پاس دنیا کی ہر شئے ہے لیکن دلی اطمینان نصیب نہیں ہے اور ایسے بھی دیکھے جن کے پاس ایک وقت کا کھانامیسرہے لیکن دوسرے وقت کا نہیں ان کو قلبی اطمینا ن نصیب ہے۔دلی اطمینا ن کے لیے نور ایمان شرط ہے۔جب اس دل میں نور ایمان آتا ہے پھر میری پسند،میری مرضی یہ بات ختم ہو جاتی ہے ہر شئے اللہ کی طرف چلی جاتی ہے جیسے میرے اللہ کو پسند،بندہ اللہ کی پسند میں ڈھل جاتا ہے۔صحت آئے یا بیماری اللہ کا شکر ادا کرتا ہے تنگدستی ہو یا فراخی اسی کی بارگاہ پر رہتا ہے۔گلے شکوے نہیں کرتا یہی وجہ ہے کہ اس کا دل مطمئن رہتا ہے۔
  انہوں نے مزید کہا کہ محبت رسول ﷺ صرف دعوی کا نام نہیں اس محبت میں وہ خلوص چاہیے جو آپ ﷺ کے اتباع تک لے جائے۔جو ہمیں اپنے اللہ کے روبرو کر دے۔اس کے لیے تزکیہ نفس کی ضرورت ہے جو اللہ اللہ کرنے سے نصیب ہوتا ہے جسے شعبہ تصوف کہتے ہیں۔اللہ کے نام کی تکرار بندے کو اللہ کے روبرو کر دیتی ہے۔ہمیں اپنے ساتھ ساتھ اپنی اولاد کی تربیت کی بھی ضرورت ہے آج کی سکرین ہم سے ہماری اولادیں چھین رہی ہے ہمیں انہیں بتانا ہوگا کہ والدین کی اہمیت کیا ہے خاندانی نظام کیا ہوتا ہے۔
  یاد رہے کہ حضرت امیر عبدالقدیر اعوان کینیڈا اور امریکہ کے دورے پر ہیں جہاں مختلف شہروں میں کانفرنسز سے خطابات کر رہے ہیں۔اس کے بعد Baltimore،Catonsville،West chester اور Downingtown میں پروگرامز ہوں گے جن میں حضرت شیخ المکرم خطاب فرمائیں گ

بندگی کا تعلق اپنے اللہ سے ایسا ہو جائے کہ بندہ اپنے اعمال اپنی سوچوں کا ہر وقت محاسبہ کرتا رہے کہ ایسا عمل نہ ہو جائے جس سے میرے اللہ کریم مجھ سے ناراض ہو جائیں۔ایسا کوئی کام نہ کروں جس کی آپ ﷺ نے ممانعت فرمائی ہے . انہوں نے کہا کہ ہر دن ہماری سوچوں میں تبدیلی ہوتی رہتی ہے۔زندگی کا ایسا کون سا اصول اور ضابطہ ہو گا جو اعتدال پر بھی ہو جس میں ذات بھی ہو خاندان بھی ہو اور معاشرہ بھی ہو اور سب کے لیے ہو کسی ایک کمیونٹی کی بات نہ آئے۔صرف انسانیت کے لیے نہیں بلکہ پوری خلق کے لیے کارآمد ہو۔اُس اصول کی ضرورت ہے جو مستحکم بھی ہو اور سب کے لیے قابل عمل بھی ہو۔وہ کیسے حاصل کریں؟ قرآن کریم وہ کتاب ہے جو انسانیت کی پوری زندگی کا لائحہ عمل ہے۔ قرآن کریم میں ہماری زندگی کی تمام ضروریات کی تکمیل کا طریقہ موجود ہے۔اس کے علاوہ قرآن کریم کا گھر میں ہونا برکت ہے،قرآن کریم کو دیکھنا برکت ہے،قرآن کریم کو چھونا برکت ہے،قرآن کریم کو پڑھنا اور سمجھنا برکت ہے اصل مقصد قرآن کریم کو سمجھ کر اس پر عمل کرنا ہے۔
 امیر عبدالقدیر اعوان شیخ سلسلہ نقشبندیہ اویسیہ کا بالٹی مور فاطمہ مسجد امریکہ میں جمعتہ المبارک کے روز خطاب
انہوں نے مزید کہا کہ آپ سوچیں اگر ہماری نیت سے لے کر عمل تک ہمارا مقصد اللہ کی رضا ہو وہ کیسی زندگی ہو گی۔اس کے معاشرے پر اثرات کیسے ہوں گے۔پھر ہمیں یہ توقع نہیں ہو گی کہ میں نے کسی کے ساتھ اچھائی کی ہے تو بدلے میں وہ بھی میرے ساتھ اچھائی کرے۔کیونکہ ہم تو وہ عمل اس لیے کر رہے ہیں کہ اللہ کو پسند ہے کہ اچھائی کی جائے۔انسانی مزاج ہے ہو نہیں سکتا کہ اگر آپ خلوص کے ساتھ کسی کے ساتھ اچھائی کریں اور ہ وہ آپ کے ساتھ برا کرے۔اصول ہے کہ اگر آپ کسی کو عزت دیں واپس وہ عزت آپ کو ملے گی   ہماری ضرورت ہے کہ نبی کریم ﷺ کی سیرت پاک کا مطالعہ کریں۔اپنے بچوں کو سنائیں۔ہفتے میں ایک دن ایسا رکھ لیں جس میں سیرت پاک پر بات ہو جس میں اپنے بچوں کو ساتھ بٹھائیں،آج کی جدت سہولت تو دے رہی ہے لیکن ساتھ ہر ایک کو تنہا بھی کر رہی ہے ہر ایک اپنے کسی حصار میں ہے۔ذات سے نکل کر مخلوق کے بارے سوچنا یہ ہمیں اسلام بتاتا ہے۔اللہ کریم صحیح شعور عطا فرمائیں۔
  آخر میں انہوں نے امت مسلمہ کے لیے خصوصی دعا بھی فرمائی

بندہ مومن کا ایک ایک لمحہ اس کیفیت میں گزرتا ہے کہ وہ زندگی کو حقائق کی نگاہ سے دیکھ رہا ہوتا ہے،تخیلاتی دنیا میں نہیں رہتا۔حقائق سے آگاہی زندگی کو آسان بنا دیتی ہے۔اگر زندگی دین کے مطابق نہ گزرے تو پھر زندگی میں اضطراب پیدا ہو جاتا ہے۔اسی کو ڈپریشن کا نام دیا جاتا ہے۔زندگی میں سکھ اور سکون کا ایک ہی راستہ ہے کہ اپنے معاملات زندگی کو دین اسلام کے مطابق ڈھال لیں۔
 امیر عبدالقدیر اعوان شیخ سلسلہ نقشبندیہ اویسیہ کا امریکہ کے شہر ووسٹر میں خواتین و حضرات سے خطاب۔
  انہوں نے کہاکہ اللہ کریم نے جس کو جس حیثیت میں جس زمانہ میں پیدا فرمایا اس کا عین وہی مقام ہے۔ہر کوئی امتحان میں ہے کسی کا دکھ میں ہے کسی کا خوشی میں،کسی کا صحت میں امتحان ہے کسی کا بیماری میں۔دیکھنا یہ ہے کہ کیا دونوں حالتوں میں وہ صابر اور شاکر رہا؟آج کی جدت یقینا یہ ہماری ضروریات کی تکمیل کے بہتر زرائع ہیں۔دین اسلام اس سے منع نہیں فرماتا لیکن زندگی کی اس تیزی میں کوئی اس طرح کھو جائے کہ اسے یہ خیال ہی نہ رہے کہ یہ فانی جہان ہے ایک دن سب چھوڑ کر چلے جانا ہے اور پھر ایک ایک عمل کا حساب بھی دینا ہے یہ احساس ہونا چاہیے کہ جو بھی استعداد اللہ نے مجھے دی ہے وہ میرے پاس امانت ہے اسے اللہ کے حکم کے مطابق خرچ کرنا ہے۔جیسے ہم کسی بھی ملک کے قوانین کا لحاظ کرتے ہوئے وہاں کے قوانین پر عمل کرتے ہیں ایسے ہی نبی کریم ﷺ کے ارشادات کو زندگی میں اختیار کرنا چاہیے تا کہ میرے کردار سے مجھے بھی فائدہ ہو اور مخلوق بھی مستفید ہو۔
  انہوں نے مزید کہا کہ مسلمان کا کردار ایسا ہونا چاہیے کہ اس کے ہر عمل سے معاشرے میں بہتری آئے۔زندگی کے بے شمارپہلو ہیں دین اسلام نے ایک ایک پہلو میں راہنمائی فرما ئی ہے۔زندگی رکتی نہیں زندگی تو چل رہی ہے۔اللہ نے جو استعداد دی ہے اس کا مثبت استعمال کریں تا کہ معاشرے میں نکھار آئے۔دنیا میں جہاں بھی جس شعبے میں بھی کسی نے ترقی کی ہے آپ تحقیق کر لیں اس کے اصول نبی کرم ﷺ کے بتائے گئے ہوں گے۔اللہ کریم ہمیں دین اسلام کے سنہری اصولوں سے مستفید ہونے کی توفیق عطا فرمائیں۔
  آخر میں انہوں نے امت مسلمہ کے اتحاد کے لیے خصوصی دعا بھی فرمائی

قیام صلوۃ اس کیفیت اور حال میں ادا کی جائے کہ اس میں خشوع و خضوع شامل ہو۔ خشو ع و خضو ع سے ہر رکن کی ادائیگی کرنے سے بندہ مومن کی طرف اللہ کریم متوجہ ہو جاتے ہیں۔اللہ کریم کے متوجہ ہونے سے بندہ حفاظت الٰہی میں آجاتا ہے۔برائی سے بچنا اور نیکی کی طرف چلنا اس کے لیے آسان ہو جاتا ہے۔اگر یہ کیفیت حاصل نہیں ہو رہی تو نماز کی ادائیگی میں کوئی کمی ہے کہیں غلطی ہو رہی ہے۔یہاں دیکھنے کی ضرورت ہے کہ میرے اعمال اُمت میں کہیں تفریق تو نہیں پیدا کر رہے؟ اور معاملات کی درستگی نہ ہے تو نماز کو ہم نے محض رواجاً اختیار کیا ہوا ہے۔
 امیر عبدالقدیر اعوان شیخ سلسلہ نقشبندیہ اویسیہ کا اسلامک سنٹر شکاگو میں خطاب۔
  انہوں نے کہا کہ جب اللہ کی واحدانیت پر پختہ یقین نصیب ہو پھر خواہشات،چاہتیں اور وساوس کی کوئی اہمیت نہیں رہتی بندہ ان کو رد کرتا جاتا ہے کہ کوئی چاہت،کوئی خواہش ایسی نہ ہو جس میں اللہ کریم کی نافرمانی ہو۔ہمارا ظاہر اور باطن ایسا ہو جیسا نبی کریم ﷺ نے ارشاد فرمایا ہے۔اگر ایمان کی یہ بنیاد پختہ ہو جائے تو مخلوق کی محتاجی ختم ہو جاتی ہے بندہ ہر چیز سے آزاد ہو جاتا ہے توکل الی اللہ نصیب ہو جائے تو۔یہ حصہ نصیب ہو جائے تو جب موت کا فرشتہ بھی آئے تو بندہ تیار ہوتا ہے۔اس کیفیت کے لیے اسی زندگی میں عمل کرنا ہے۔ جب تک اس زندگی میں اتباع محمد الرسول اللہ ﷺ سے زندگی مزین نہیں ہوگی ہم یہ کیفیت حاصل نہیں کر سکتے۔روز محشر جب مائیں اپنے بچوں کو بھول جائیں گی اللہ کریم  بندہ مومن سے فرماتے ہیں تم نے اس دن بالکل نہیں گھبرانا کیوں کہ تم نے اپنی زندگی میرے توکل پر گزاری مجھ پر بھروسہ کیا۔اللہ کریم صحیح شعور عطا فرمائیں۔
  آخرمیں انہوں نے امت مسلمہ کے اتحاد کے لیے خصوصی دعا بھی فرمائی

 انسان وہ واحد مخلوق ہے جسے اللہ کریم نے اپنی معرفت کے لیے پیدا فرمایا اور انابت الٰہی عطا فرمائی۔ اس کے حصول کے لیے وہ درد چاہیے جو صرف ذکر قلبی کی تکرار سے نصیب ہوتا ہے۔قلب وجود کا بادشاہ ہے جب کسی بات پر دل کرے پھر وجود اسے روک نہیں سکتا بلکہ دل کے حکم کو بجا لاتا ہے۔اسی لیے صوفیا ساری محنت قلوب پر کراتے ہیں جب دل اللہ کی یاد میں لگ جائے پھر اس کے فیصلے بھی اللہ کی اطاعت میں ہوتے ہیں اللہ کی پسند پر ہوتے ہیں۔
 امیر عبدالقدیر اعوان شیخ سلسلہ نقشبندیہ اویسیہ کا اجکس کینڈا میں کانفرنس سے خطاب 
انہوں نے کہا کہ آج ہمارے دلوں میں دوستوں اور رشتوں کے لیے وہ خلوص نہیں ہے جو پہلے زمانے کے لوگوں میں تھا۔آج جب لوگ اپنے والدین کو اولڈ ہوم میں چھوڑ کر آتے ہیں تب بھی ان سے والدین کا رشتہ تو ہوتا ہے۔جب دلوں میں خلوص نہ ہو پھر رشتے نام کے رہ جاتے ہیں دل میں اس رشتہ کا احساس ختم ہوچکا ہوتا ہے۔حقیقت ختم ہو چکی ہوتی ہے۔اللہ کریم فرماتے ہیں کہ ایمان والوں کے سامنے جب میری آیات پڑھی جاتی ہیں تو ان کے ایمان تقویت پاتے ہیں اور ان کے دل ڈر جاتے ہیں تو یہ کیفیات بھی دل سے متعلق ہیں جب دلوں میں نور ایمان  ہوگا اس میں خلوص ہوگا پھر اس کے فیصلے بھی اللہ کی رضا کے مطابق ہوں گے۔
  انہوں نے مزید کہا کہ ہماری عبادات کا دارومدار بھی نیت پر ہے اور نیت دل کا فعل ہے روز محشر ایسا انصاف ہو گا کہ تمام اعمال نیت پر پرکھے جائیں گے کہ کسی بھی عمل کے پیچھے دلی ارادہ کیا تھا؟اس لیے دلوں کی صفائی کا نسخہ بھی نبی کریم ﷺ نے ارشاد فرما دیا کہ ہر چیز کا زنگ اتارنے کے لیے ایک پالش ہوتی ہے اور دلوں کی صفائی کی پالش اللہ کا ذکر ہے۔شعبہ تصوف میں اللہ اللہ کرائی جاتی ہے جس سے کیفیفات محمد الرسول اللہ ﷺ نصیب ہوتی ہیں جن سے بندے کا دل خالص ہوتا ہے اور وہ اپنے عمل کو خالص اللہ کے لیے کرتا ہے۔اللہ کریم صحیح شعور عطا فرمائیں۔
  آخر میں انہوں نے امت محمد الرسول اللہ ﷺ کے اتحاد کے لیے خصوصی دعا بھی فرمائی

 قرآن کریم میں جو قوانین اللہ کریم نے ارشاد فرمائے ہیں ان میں مساوات ہے۔رہتی دنیا تک یہ اصول اور ضابطے قابل عمل ہیں۔اور ان پر کیے گئے فیصلے اتنے متوازن ہوتے ہیں کہ اس میں فریقین کے درمیان فتح و شکست نہیں ہوتی بلکہ فریقین کے درمیان ایسا انصا ف ہوتا ہے کہ دونوں مطمئن ہوتے ہیں۔
 امیر عبدالقدیر اعوان شیخ سلسلہ نقشبندیہ اویسیہ کا جمعتہ المبارک کے روزہ جامع اسلامیہ کینڈا میں خطاب۔
  انہوں نے کہا کہ جتنی ہم دنیا،دنیا کے علوم حاصل کرنے کی کوشش کر رہے ہیں اچھی بات ہے لیکن دنیا فانی ہے آخرت کی زندگی ہمیشہ کی زندگی ہے اس کے لیے بھی اسی دنیا میں تیار ی کرنی ہے۔جدت زندگی نہیں ہے زندگی کے زرائع ہیں۔کہ آپ اپنی ضروریات کو اچھے انداز سے پورا کر سکیں۔میں خود ضروریات دین کو جانو اس پر عمل کروں یہ وہ بنیادی درسگاہ ہے جس سے ہمارے بچوں کو راہنمائی ملے گی۔ہمارے خاندانی نظام کی مضبوطی انہی اصولوں میں ہے جو دین اسلام ارشاد فرماتا ہے۔دین اسلام کے اصول اور ضابطے ایسے ہیں جو دوسروں کی خوشی کا بھی سبب بنتے ہیں۔
  آخر میں انہوں نے جامع اسلامیہ کے مولانا صاحب اور انتظامیہ کا بھی شکریہ ادا کیا اور بحیثیت امت اتفاق و اتحاد کی خصوصی دعا بھی فرمائی

قرآن کریم کے معانی و مفاہیم وہ سمجھے جائیں گے جو نبی کریم ﷺ نے سمجھائے ہیں۔باقی دنیا میں جتنی بھی زبانیں ہیں ان کے معانی و مفاہیم اپنی زبان میں ترجمہ کر کے سمجھے جا سکتے ہیں۔دنیا کی زندگی میں کوئی خواہش کرتا ہے تو اس کا تعلق قلبی انسانی سے ہے۔ خوشی ایک کیفیت ہے اور اس کا تعلق بھی انسانی قلب کے ساتھ ہے ،اگر کہیں تلخی ہے،غم ہے تو اس کاگھر بھی قلب انسانی ہے۔ جتنا دل مطمئن ہوگا اتنا زندگی کے بہر میں سکون نصیب ہوگا اور دلوں کا قرار یادِ الٰہی میں ہے۔
ٓامیر عبدالقدیر اعوان شیخ سلسلہ کا مسجد اقصٰی برامپٹن کینڈا میں بعثت رحمت عالم ﷺ کانفرنس سے خطاب۔
انہوں نے کہا کہ انسانی مزاج ہے کہ مجھ جیسا کوئی نہ ہو،میری حیثیت،میری اولاد،میری کامیابی،میرا مقام،میرا ورع و تقوی کتنے ہی پہلو ہیں کہ آپ ان پر بات کرتے جائیں تو بات ذات کے گرد گھومتی رہتی ہے۔جب بندہ ذات ہی پر انحصار کرتا ہے توخواہشات ایسے ایسے رنگ دکھاتی ہیں۔یہ دنیا یہ جہان کل زندگی نہیں ہے۔دین اسلام ان حقائق سے آگاہ فرماتا ہے اللہ کریم سے وہ تعلق نصیب ہوتا ہے کہ بندہ ہر حال میں اللہ کی رضا پر راضی رہتا ہے۔وہ سمجھتا ہے کہ تکلیف اور خوشی اللہ کی طرف سے ہے۔حدیث شریف میں آتا ہے کہ بندہ مومن دونوں پہلوؤں میں کامیاب ہے تکلیف آئے تو صبر کرتا ہے خوشی ملے تو شکر کرتا ہے دونوں حالتوں میں رجوع الی اللہ کرتا ہے۔اللہ کریم کی ذات رب ہے جو ہر ایک کی ہر ضرورت ہر وقت پوری فرماتا ہے اس نے ہماری ضرورت کی تکمیل کے لیے انبیاء مبعوث فرمائے ہماری راہنمائی کے لیے کتابیں نازل فرمائیں۔بندہ،بندگی کے معنوں سے آشنا نہ ہو سکتا اگر اللہ کریم اپنے برگزیدہ بندوں انبیاء کو مبعوث نہ فرماتے۔اللہ کریم صحیح شعور عطا فرمائیں اور ہمیں نبی کریم ﷺ کی تعلیمات پر عمل پیرا ہونے کی توفیق عطا فرمائیں۔
  آخر میں انہوں نے امت مسلمہ کے اتحاد کے لیے خصوصی دعا بھی فرمائی

 حضرت امیر عبدالقدیر اعوان شیخ سلسلہ نقشبندیہ اویسیہ ایک ماہ کے روحانی تربیتی دورہ پر کینڈا اور امریکہ کے لیے  روانہ 
 اسلام آباد ائیر پورٹ سے حضرت امیر عبدالقدیر اعوان شیخ سلسلہ نقشبندیہ اویسیہ ایک ماہ کے روحانی تربیتی دورہ پر کینڈا اور امریکہ کے لیے  روانہ ہو گئے۔اسلام آباد ائیر پورٹ پر سالکین کی بڑی تعداد نے حضرت شیخ المکرم کو رخصت کیا۔یاد رہے کہ حضرت امیر عبدالقدیر اعوان کا ایک دن کا قیام لند ن میں ہو گا پھر اس کے بعد کینڈا کے لیے روانہ ہو جائیں گے۔جہاں مختلف شہروں جن میں Mississauga،Brampton،Ajax،میں بعثت رحمت عالم ﷺ کے موضوع پر کانفرنسز کا انعقاد کیا گیا ہے جن میں حضرت شیخ المکرم خطاب فرمائیں گے۔وہاں کی مسلم کمیونٹی سے حضرت کی ملاقاتیں ہوں گی۔اس کے علاوہ وہاں کے مقامی لوگوں سے بھی ملاقاتیں طے ہیں۔یہ دورہ حضرت کا مصروف ترین دورہ ہو گا۔

 ہم اس وقت مادیت میں اس حد تک گِھر گئے ہیں کہ اس کو اپنی زندگیوں میں بہت زیادہ اہمیت دے رہے ہیں۔اپنی اولادوں کو بھی دنیاوی تعلیم دینے میں اس حد تک چلے گئے ہیں کہ ان کے ننھے کندھوں پر ان کی سکت سے زیادہ وزن کے بیگ ڈال دئیے ہیں۔تاکہ وہ کامیاب انسان بن جائیں۔حالانکہ قرآن مجید میں ارشاد ہے کہ اللہ اور اللہ کے رسول ﷺ کی اطاعت کرو تا کہ تم پر رحم کیا جائے۔آج ہم اطاعت سے دور ہو کر مختلف پریشانیوں سے دوچار ہیں۔ضرورت اس امر کی ہے کہ ہم اس بنیاد پر یعنی اطاعت رسول ﷺ پر آجائیں۔جس کا پہلا قدم نماز ہے اسے اگر دھیان سے اور سمجھ کر ادا کیا جائے تو قیام صلوۃ بندہ مومن کو ذاتی اصلاح کے ساتھ معاشرے کی اصلاح پر لے آئے گی 
 امیر عبدالقدیر اعوان شیخ سلسلہ عالیہ کا دوروزہ ماہانہ روحانی اجتماع کے موقع پر خواتین و حضرات کی بڑی تعداد سے خطاب۔ 
انہوں نے کہا کہ جہاں ہم اپنے بچوں کو سائنس اور جدید ٹیکنالوجی پڑھاتے ہیں وہاں ہم ان کو وہ تعلیم کیوں نہیں دیتے جہاں ہم نے ہمیشہ ہمیشہ رہنا ہے۔زندگی کی خوبصورتی اطاعت رسول میں ہے اطاعت سے باہر تلخی پیدا ہوتی ہے۔جس نے اطاعت کا دامن چھوڑ دیا وہ خود بھی تکلیف میں ہے اور گھر والے بھی۔ فانی جہان ہے اسے چھوڑ جانا ہے۔اس زمین پر جتنا بھی کوئی اکڑ کر چلتا ہے کیا وہ پہاڑوں کے قد سے بڑھ جائے گا؟قرآن کریم میں بڑی تفصیل سے بیان فرمایا جاتا ہے اسے پڑھا کریں،ترجمہ و تفسیر سے معاونت حاصل کر کے سمجھیں کہ اللہ کریم میرے لیے کیا ارشاد فرما رہے ہیں۔
  انہوں نے مزید کہا کہ متقی کی صفت یہ ہے کہ فراوانی اور تنگی دونوں حالتوں میں وہ انفاق فی سبیل اللہ کرتا ہے۔اقرار اور انکار اللہ کی اطاعت کے مطابق کرتا ہے۔انسانی معاشرے میں اگر قانون کا نفاذ نہ ہوتو صرف تبلیغ سے اس کی درستگی نہیں ہو سکتی۔یہ ضابطہ اور اصول ہمیں قرآن کریم اور سنت خیر الانام سے نصیب ہوتا ہے۔ نبی کریم ﷺ نے لوگوں کی تربیت فرمائی اس سے بڑھ کر کوئی تربیت جہان میں ہو سکتی ہے؟پھر آپ ﷺ کی معیت نصیب ہوئی اس کے باوجود آپ ﷺ نے اللہ کا دیا ہوا نظام ترتیب دیا اسے نافذ کیا یہ انسانی معاشرے کی ضرورت ہے۔مزاج انسانی کی ضرورت ہے۔کسی بھی معاشرے کو چلانے کے لیے انصاف کی ضرورت ہوتی ہے۔اور انصاف نظم سے ہی قائم ہوتا ہے۔مخلوق کے بنائے قوانین نہیں چل سکتے قوانین وہی چل سکتے ہیں وہی انصاف مہیا کر سکتے ہیں جو خالق کے بنائے ہوں گے۔اللہ کریم صحیح شعور عطا فرمائیں۔آخر میں انہوں نے ملکی سلامتی اور بقا کی اجتماعی دعا بھی فرمائی۔
 ٰ یاد رہے کہ حضرت امیر عبدالقدیر اعوان رواں ماہ دورہ کینڈا اور امریکہ کے لیے تشریف لے جا رہے ہیں جہاں مختلف شہروں میں کانفرنسز ہوں گی جن میں قلبی سکون پر آپ لیکچرز دیں گے

قرآن کریم کی تلاوت باعث برکت ہے اور اس پر عمل زندگی میں اعتدال پید ا کرتا ہے اور بندہ مومن کو جنت کے راستے پر لے جاتا ہے۔زندگی کی کامیابی و کامرانی کا انحصار بھی ان احکامات پر عمل سے ممکن ہے۔اللہ کی راہ میں اپنی محبوب ترین چیز خرچ کی جائے کیونکہ انفاق کا مطلب ہی یہ ہے کہ اللہ کے نام پر اپنی جان و مال اور صلاحییت لگائی جائے۔اپنی زندگی میں سچ کو معمول بنائیں کہ اللہ کے ہاں بندہ مومن کو صدیق لکھ دیا جاتا ہے اور جھوٹ بولنے سے جہاں وہ جہنم کے راستے پر چلتا ہے وہاں جھوٹ بولنے کی وجہ سے اللہ کے ہاں کذا ب لکھ دیا جاتا ہے۔کیفیات قلبی کا شعبہ اختیار کرنا اور پھر اسے آگے مخلوق خدا تک پہنچانا بھی انفاق فی سبیل اللہ میں آتا ہے۔اس سب کے بعد قرب الٰہی کی عطا اس کا کرم ہے۔ذات بھی اسی کی دی ہوئی ہے کمال بھی اسی کی عطا ہے پھر اللہ کی راہ میں خرچ کرنا بھی اس کی توفیق سے ہی ممکن ہے۔انفاق فی سبیل اللہ سے مراد صرف مال و دولت نہیں بلکہ کوئی بھی وصف جو اللہ نے انسان کو عطا کیا ہے جس میں وجودی استعداد بھی ہو سکتی ہے۔کوئی بھی کمال ہو سکتا ہے کیونکہ یہ سب اللہ کی عطا ہے اس میں اس کا اپنا کمال نہیں ہے۔ اسے اللہ کے نام پر،اللہ کی رضا کے لیے خرچ کرنا استعمال کرنا بھی انفاق فی سبیل اللہ میں آتا ہے۔ 
 امیر عبدالقدیر اعوان شیخ سلسلہ عالیہ کا جمعتہ المبارک کے موقع پر خطاب۔
  انہوں نے کہا کہ جو لباس ہم مخلوق کے سامنے پہننا پسند نہیں کرتے اسے پہن کر ہم اللہ کی بارگاہ میں رکوع و سجود کر رہے ہوتے ہیں۔جو حلیہ ہم ذات باری تعالٰی کے سامنے لے کر جا رہے ہیں کیا یہ ہمیں ذاتی طور پر پسند ہے؟  ہمیشہ مثبت پہلو دیکھا کریں۔ ہم منفی پہلو کو پہلے دیکھتے ہیں۔تبھی تو ہم سیکھنے سکھانے سے قاصر ہیں۔بات کہنے والا کسی اور پہلو سے کر رہا ہوتا ہے ہم اسے کسی اور پہلو سے لے رہے ہوتے ہیں۔ایسا ہماری روزمرہ زندگی میں ہوتا ہے۔قرآن کریم میں جو ارشادات ہیں انہیں کسی پر لاگو کرنے کی بجائے خود پر لاگو کر کے دیکھیں کہ مجھے اس پر عمل کرنا ہے۔ہمیں اپنے دلوں کا جائزہ لینے کی ضرورت ہے کہ میرا دل کیا چاہتا ہے؟جو چاہتا ہوں کیا قرآن و سنت میں  اس کی اجازت ہے؟اگر اللہ کے حکم سے باہر ہے تو میری اس چاہت کے پیچھے فساد ہے۔ہمارے دلوں میں برائی چیخ رہی ہوتی ہے یہ کوئی نہیں کہہ سکتا ہے کہ مجھے پتہ ہی نہیں چلا۔ اللہ کریم صحیح شعور عطا فرمائیں۔
  یاد رہے کہ سلسلہ نقشبندیہ اویسیہ کے مرکز دارالعرفان منارہ میں دو روزہ ماہانہ روحانی اجتماع کل5,4 اکتوبر بروز ہفتہ اور اتوار منعقد کیا گیا ہے جس میں ملک بھر سے سالکین اپنی تربیت کے لیے تشریف لاتے ہیں حضرت شیخ المکرم مد ظلہ العالی اتوار دن گیارہ بجے خطاب فرمائیں گے اور خصوصی دعابھی ہوگی۔اپنے دلوں کو برکات نبوت ﷺ سے منورکرنے کے لیے تشریف لائیے۔دعوت عام ہے