Featured Events

 اللہ کریم نے اس کرہ ارض پر ہر شئے کو با مقصد پید ا فرمایا ہے۔زمین و آسمان کی مخلوق کا شمار ممکن نہیں ہے ہر مخلوق اللہ کی تسبیح بیان کر رہی ہے ہر شئے کا رخ حضرت انسان کی طرف ہے۔یعنی کے وہ انسان کی ضرورت کو پورا کرنے میں لگی ہے۔اللہ کریم زمین کے سینہ سے انسان کو جہاں رزق دیتا ہے وہی وقت پورا ہونے میں یہ زمین ہمیں اپنی آغوش میں لے لیتی ہے۔اللہ کریم نے انسان کو وہ شعور عطا فرمایا ہے کہ قرب الٰہی کے وہ منازل طے کرتا جائے جو دوسری مخلوق سوچ بھی نہیں سکتی۔اور دوسرا بہت بڑا احسان یہ ہے کہ میں نے تم میں حضرت محمد ﷺ کو مبعوث فرما یا۔
 امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا سلطان فیڈ مل،شاہ پور صدر سرگودھا میں بعثت رحمت عالم ﷺ کانفرنس میں بہت بڑے اجتماع سے خطاب۔
  انہوں نے کہا کہ جو درِ مصطفے ﷺ سے اپنا تعلق قائم نہیں رکھتے وہ پھر در در پر سجدے کرتے ہیں۔لوگوں کی غلامیوں کے طوق ان کے گلے میں پڑے ہیں۔کسی کے گلے میں انا کا طوق ہے کسی کے گلے میں اپنی حیثیت کا طوق ہے۔بے شمار لوگ کہتے ہیں میں سجدے بھی کرتا ہوں نماز بھی پڑھتا ہوں پھر بھی تنگی نہیں جاتی فلاں ضرورت پوری نہیں ہوتی کیا ہم جب نماز کی نیت کرتے ہیں تو یہ کرتے ہیں کہ فلاں ضرورت کے لیے پڑھ رہے ہیں نماز تو فرض ہے۔یہ تو اللہ کا حکم ہے، اللہ کریم کا احسان ہے کہ ہمیں پانچ وقت اپنے حضور حاضر ہونے کی توفیق عطا فرمائی۔
  انہوں نے مزید کہا کہ ماہ مبارک ربیع الاول ہر سال ہمارے سینوں پر دستک دیتا ہے،ہماری سوچوں پر دستک ہے ہم نے پچھلے سال ربیع الاول سے لے کر اس سال ماہ مبارک ربیع الاول تک جو وقت بسرکیاوہ کیساتھا کیا اس میں ہم نے نبی کریم ﷺ کی اطاعت کی کیا ہمارا دعوی محبت کے ساتھ ہمارے اعمال اس کی گواہی دے رہے ہیں۔ہمیں اپنی نیتوں اور اپنے اعمال کو ٹٹولنے کی ضرورت ہے کہ ہم اتباع رسالت ﷺ میں کہاں کھڑے ہیں۔
یاد رہے کہ اس بابرکت پروگرام کا انعقاد ملک عطا محمد اعوان چیف ایگزیکٹو سلطان گروپ آف کمپنیز نے کیااستقبالیہ میں شہزاد عزیز نظامی،دل پزیر عباسی سی ایف او،محمد آصف حسنین بلوچ ایڈو و کیٹ لیگل ایڈوائز نے کیا۔ اس پروگرام میں جہاں ہر طبقہ فکر کے لوگوں نے شرکت کی وہاں سیاسی و سماجی شخصیات بھی شریک ہوئیں جن میں ملک شاکر بشیر اعوان ایم این اے،ملک آصف بھا ایم پی اے،ملک اشرف اعوان سابقہ چئیر مین،ملک سبطین گنجیرا،ملک عمران بشیر،ملک جاوید اعوان سابقہ ایم پی اے،چوہدری مبشر میکن بھی شامل تھے

 ہر بندہ بحیثیت انفرادی اپنے آپ کو رب کی دھرتی رب کے نظام کے مطابق لے آئے تو ماہ ربیع الاول کا وہ درس جوہمیں آپ ﷺ کی بعثت عالی سے ملتا ہے ہم اپنی زندگی کو دیکھیں کہ آیا میں کتنا صراط مستقیم پر چل رہا ہوں۔آج ملک میں مختلف نظام کی خرابیوں کی بات کرتے ہیں لیکن اگر ہم اپنے آپ کو درست کرنا شروع کر دیں تو معاشرہ ہم سے مل کر ہی بنتا ہے ان شاء اللہ یہ ایک ایک اکائی مثبت ہونے سے معاشرے میں بہت بڑی تبدیلی کا باعث ہوگی۔
 امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا ماہانہ اجتماع کے موقع پر بعثت رحمت عالم ﷺ پر خواتین و حضرات کے بہت بڑے اجتماع سے خطاب۔
  انہوں نے کہا کہ یہ ممکن ہی نہیں کہ قرآن کریم کو پوری توجہ سے پڑھنے اورسننے والا کفر کرے، انکار کرے یا تجاوز کرے۔شرط یہ ہے کہ ہمارا اس پر ایمان ہو۔یہ قرآن کریم کی برکت اور اس کے اثرات ہیں کہ کلام ذاتی سے حفاظت الہیہ نصیب ہوتی ہے اور ایمان میں مضبوطی آتی ہے۔اللہ کا احسان ہے کہ ہم نماز میں قرآن سنتے ہیں ہمارے گھروں میں قرآن کریم کی تلاوت ہوتی ہے،ہمارے بچوں کے سینوں میں قرآن کریم محفوظ ہے یہ اللہ کا بہت بڑا احسان ہے۔قرآن کریم میں ارشاد ہے کہ آپ ﷺ کو تمام جہانوں کے لیے رحمت بنا کر بھیجا گیا ہے۔ہم زندگی کی روانی کو رحمت جانتے ہیں کہ میری رو ز کی ضروریات پوری ہو رہی ہیں تو یہ اللہ کی بہت رحمت ہے۔ نبی کریم ﷺ کا ارشاد ہے کہ جب آدم ؑ کا وجود گارے اور مٹی کے درمیان تھا میں تب بھی اللہ کا نبی اور رسول تھا۔نبی کریم ﷺ وجہ تخلیق کائنات ہیں آپ ﷺ کی نسبت خالق مخلوق پر رحم فرما رہے ہیں۔آپ ﷺ مجسم رحمت ہیں۔
  انہوں نے مزید کہا کہ اُمتی ہونے کا شرف اور ایمان کی عظمتیں صحابہ کرام ؓ سے بہتر کون جانتا ہے جنہیں معیت محمد الرسول اللہ ﷺ نصیب ہوئی۔کیسی خوش بخت ہستیاں ہیں کہ نبی کریم ﷺ کے خدام کے طور پر اللہ کریم نے چن لیا۔صحابہ کرام کی عظمتیں اللہ نے تورات وانجیل میں بیان فرمائی ہیں۔معیت محمد الرسول اللہ ﷺ سے وہ ایمان کا درجہ نصیب ہوا جو درجہ صحابیت ہے۔وہ فرماتے تھے جس زندگی میں آپ ﷺ نہ ہوں اس زندگی کو ہم نے کیا کرنا۔اللہ کریم ہمیں اُمتی ہونے کا جو شر ف ہے اسے سمجھنے کی توفیق عطا فرمائیں۔
وطن عزیز پر بات کرتے ہوئے انہوں نے کہا کہ جب ہم اپنی ذات کو ترجیح دیں گے تو تفریق پیدا ہو گی۔یہ وطن عزیز اللہ کے نام پر بنا ہے یقینا ہماری کمزوریوں کی وجہ سے خرابیاں ہیں لیکن ان کمزوریوں کو مزید تفریق کا سبب بنائیں گے تو کیا معاملات درست ہو جائیں گے۔وہ شہداء جو اپنی ماؤں کی آنکھوں کا نور ہیں وہ شہداء جو اپنے گھروں کی چھاؤں تھے وہ جو گھر سے سلامت جاتے ہیں اور واپسی پر وجود آتے ہیں کیا انہوں نے جو قربانیاں دیں صاحب اختیار کو ان حالات کا جواب نہیں دینا پڑے گا وہ تو شہید ہو کر مقصد پاگئے لیکن ایسے حالات کیوں پیدا ہوئے اس کا جواب صاحب اختیار کو دینا پڑے گا۔یہ جو ظلم اور زیادتی بڑھ رہی ہے اگر جائزہ لیں تو سمجھ آتی ہے انصاف کا فقدان ہے۔انصاف کیا جائے حالات بہتر ہو سکتے ہیں دہشتگردی کم ہو جائے گی امن آئے گا لوگ خوشحال ہوں گے۔
  آخر میں انہوں نے ملکی سلامتی اور سیلاب زدگان کے لیے خصوصی دعا بھی فرمائی

 آج معاشرے کی یہ حالت ہے کہ لوگ برائی کو اچھائی سمجھ کر کرتے ہیں اور پھر اس پر فخر بھی کیا جاتا ہے۔یہ یاد رہے کہ جو بھی عمل ہم کر رہے ہیں وہ اللہ کے روبرو کر رہے ہیں۔فرشتے بھی ہمارے اعمال لکھ رہے ہیں لیکن اللہ کریم ذاتی طور پر ہمارے ارادوں سے لے کر ہمارے اعمال تک سے واقف ہیں۔یہ اللہ کا احسان کہ ہمیں نبی کریم ﷺ کا اُمتی ہونا عطا فرمایا،ایمان عطا فرمایا اپنی بندگی کو پیدا فرمایا ہمیں اپنی نگرانی کی ضرورت ہے اللہ کریم معاف فرمانے والے ہیں ہمیں توبہ کرنے کی ضرورت ہے جو وقت زندگی کا بچ گیا ہے اس میں اپنا جائزہ لیں کہ ہم کس راستے پر چل رہے ہیں۔
 امیر عبدالقدیر اعوان شیخ سلسلہ نقشبندیہ اویسیہ و سربراہ تنظیم الاخوان پاکستان کا جمعتہ المبارک کے روز خطاب۔
  انہوں نے کہا کہ جو اللہ کا انکار کرتے ہیں اللہ کریم نے ان پر اپنی لعنت کی ہے،لعنت سے مراد اللہ کی رحمت سے دوری ہے۔انکار کی دو قسمیں ہیں ایک وہ لوگ جو شروع سے ہی اللہ کا انکار کرتے ہیں شرک کرتے ہیں دوسرے وہ جو زبان سے اقرار تو کرتے ہیں لیکن عملاً وہ بھی انکار کر رہے ہوتے ہیں۔ایمان ایک دعوی ہے اور اس کے گواہ ہمارے اعمال ہیں اگر ہمارے اعمال اس دعوے کی گواہی نہیں دے رہے تو اس دعوے کا کوئی بھروسہ نہیں۔آج دنیا میں جو مسلمانوں کے ساتھ ہو رہا ہے اس کی وجہ یہ نہیں کہ ہم تعداد میں کم ہیں یا طاقت میں کم ہیں بلکہ ہمارے ایمان کی کمزوری کی وجہ سے ہم دنیا میں رسوا ہو رہے ہیں۔عالم خلق میں انسان کو مرکزی حیثیت حاصل ہے جب مرکز خرابی کرتا ہے تو اس کے اثرات ہر جگہ پر جاتے ہیں۔فساد اور نقصان کا سبب بنتا ہے۔ہمیں اپنے معاملات کو اللہ کے سپرد کرنے چاہیے۔اللہ پر توکل کرنے کی اشد ضرورت ہے۔ایک دن آنے والا ہے جب ہر شئے سامنے آ جائے گی اس دن کوئی عذر کام نہیں آئے گا۔
  یاد رہے کہ مرکز دارالعرفان منارہ میں دوروزہ ماہانہ روحانی اجتماع 13،14 ستمبر 2025 بروز ہفتہ اتوار جاری ہے جس میں بعثت رحمت عالم ﷺ کے موضوع پر حضرت شیخ المکرم مد ظلہ العالی اتوار دن گیارہ بجے خطاب فرمائیں گے اور خصوصی دعا بھی ہوگی۔دعوت عام ہے کہ اس بابرکت پروگرام میں شامل ہو کر اپنے دلوں کو برکات نبوت ﷺ سے منور کیجیے